Vıse-premer Almaty oblysyndaǵy qurylys nysandarymen tanysty

Almaty oblysyna arnaıy issaparmen QR Prımer-Mınıstriniń orynbasary Roman Sklıar keldi. Ol Taldyqorǵan-О́skemen», «Úsharal-Dostyq» joly jáne Taldyqorǵandaǵy salynyp jatqan mańyzdy áleýmettik nysandardyń qurylys jumystarymen tanysty. Kezdesýde oblys ákimi Amandyq BATALOV boldy.

Jetisý jerine arnaıy at basyn burǵan úkimet basshysynyń orynbasary áýeli «Nurly jol» baǵdarlamasymen salynyp jatqan «Taldyqorǵan-О́skemen», «Úsharal-Dostyq» jolyndaǵy qurylys jumystarynyń jaı japsarymen tanysty. «Taldyqorǵan-О́skemen» jolynyń qurylys-montajdaý jumystaryn júrgizýge 1817 adam men 825 tehnıka jumyldyrylǵan. Qarqyndy jumystyń arqasynda 14 sý ótkizý qubyrlary men 23 kópirdegi jumystardyń 50 paıyzy aıaqtalǵan. Al «Úsharal-Dostyq» jolynyń qurylysyna 265 adam, 144 tehnıka jumyldyrylǵan.  Joldyń 0-60 shaqyrymyn «Qyran» JShS salyp jatyr. Nysanda 265 adam jumys isteıdi. 144 tehnıka tartylǵan. Mamandardyń aıtýynsha jyl sońyna deıin joldyń 30 shaqyrymyn qoldanysqa berý josparlanyp otyr. Kólik qatynasyn úzbeý maqsatynda 21 shaqyrymdyq ýaqytsha aınalma jol salyndy. Tas joldyń 60-120 shaqyrymy aralyǵyndaǵy qurylysyn «ABK-Avtodor NS» JShS júrgizýde. Qurylys jumystaryna 115 tehnıka jáne 239 adam jumyldyrylǵan. Joldyń 120-180 shaqyrymynda aǵymdaǵy jyldyń 1-tamyzynda aınalma jol salý jumystary bastaldy.

Bul másele boıynsha Roman Sklıar birinshi kezekte  – sapa, odan keıin ýaqyt ekenin alǵa tartyp, jumyla jumys isteý kerektigin aıtty. Kelesi kezekte ol totydaıyn túrlengen Taldyqorǵandaǵy qurylys jumystary júrip jatqan mańyzdy áleýmettik nysandardy aralady. Áýeli oblys ortalyǵyndaǵy modýldi ınfeksııalyq aýrýhanaǵa bas suqty. 8 bólikten turatyn 200 adamǵa arnalǵan aýrýhananyń 74 paıyz qurylys jumysy aıaqtalǵan. Mamandardyń aıtýynsha bul nysan qazan aıynda ashylady dep josparlanýda. Sonymen qatar, medısına jabdyqtar da kezeń-kezeńimen jetkizilip jatyr. Jumysqa naýqastarǵa qyzmet kórsetetin myqty mamandar da alynýda.

Osydan keıin Amandyq Ǵabbasuly úkimet basshysynyń orynbasaryna oblys ortalyǵynda salynyp jatqan elimizde teńdesi joq olımpıadalyq jabyq júzý basseınin kórsetti. Álemdik dodalar ótkiziletin, 27 myń sharshy metrdi quraıtyn úsh qabatty sport nysanynda jumys qyza túsken. Jumysshylar da ózderine berilgen mindetti minsiz atqarýǵa tyrysýda. 475 adam tartylǵan qurylys jumysy qazan, qarasha aılarynda tolyqtaı aıaqtaý josparlanyp otyr. Shara barysynda oblys ákimi: «Jabyq júzý basseıninde sý sportynyń barlyq túri bolady. Buıyrsa óńirimzde álem birinshiligin ótkizemiz. Sondyqtan basseın álemdik standartqa saı salynyp jatyr. Qalanyń kórki bolyp turatyn nysannyń ishi ǵana emes, syrty da jaınap, jaıqaltamyz, – degen aımaq basshysy mamandarǵa ǵımarattyń aınalasyn abattandyrý men kógaldandyrýǵa deıin kóńil bólý kerektigin aıtty.

 Sodan soń úkimet basshysynyń orynbasary kottedjdi qalashyqta salynyp jatqan úılerge bardy. Sharada qala ákimi Ǵalymjan Ábdiraıymov búginde 71 turǵyn úı paıdalanýǵa berýge daıyn turǵandyǵyn aıtty. Sondaı-aq, 349 úı jyl sońyna deıin salynyp bitetindigin jetkizdi.

Issapar sońynda Roman Sklıar aıryqsha sulýlyǵymen kóz tartatyn «Qaratal» shaǵynaýdanyndaǵy Ilııas Jansúgirov atyndaǵy Jetisý memlekettik ýnıversıtetine qarasty Stýdentter úıine bardy. On úsh qabatty, 288 oryndy jataqhanany aralap, jastardyń ýaqytyn tıimdi ótkizýge arnalǵan túrli tanymdyq-sporttyq bólmelerdi kórdi. Zamanaýı ǵımarattardy aralaǵan úkimet basshysynyń orynbasary jıyn sońynda elimizdiń bolashaǵy jastarǵa osyndaı jataqhana salǵan aımaq basshysyna rızashylyǵyn bildirdi.