Burynǵy densaýlyq saqtaý vıse-mınıstri 500 mıllıon teńgeni jymqyrdy dep aıyptaldy

Burynǵy densaýlyq saqtaý vıse-mınıstri Oljas Ábishevke aqparattyq júıelerdi qurýǵa bólingen 500 mıllıon teńgeni jymqyrdy dep aıyp taǵylyp jatyr.  Bul týraly qarjy monıtorıngi komıtetiniń 21 qyrkúıekte ortalyq kommýnıkasııalar qyzmetinde ótken brıfınginde aıtyldy.

"Ábishev aqparattyq júıelerdi qurýǵa bólingen 500 mıllıonnan astam teńgeni jymqyrdy degen kúdikke ilindi. Sottyń maquldaýymen ol qamaýǵa alyndy, tergeý jalǵasýda", –  dedi qarjy monıtorıngi komıtetiniń tóraǵasy Janat Elımanov.

Tergeý málimetteri boıynsha, Ábishev jumystyń is júzinde aıaqtalmaǵanyn aldyn-ala bilip, oryndalǵan jumys aktisine qol qoıyp, tolyq tólegen. "Búgingi kúni ol iske qosqan aqparattyq júıe is júzinde jumys istemeıdi, jumys istemeıdi.  Kerisinshe bıýdjetke osyndaı mólsherde zalal keltirilgen. Sonymen qatar, osy qylmystyq is aıasynda osy mınıstrlikte bıýdjet qarajatyn jumsaýdyń basqa faktileri de tekserilip jatyr. Biraq, ókinishke oraı, bizde qylmystyq is júrgizý zańnamasynda aqparat taratýdy shekteıtin talaptar bar ... Bul áreketter 2018 jyldyń sońynda jasaldy, bul pandemııaǵa deıin bolǵan", – dep qosty Elımanov.

Esterińizge sala keteıik, Densaýlyq saqtaý vıse-mınıstri Oljas Ábishev tamyz aıynyń basynda ustalǵan bolatyn.

Oljas Ábishev densaýlyq saqtaý vıse-mınıstri bolyp 2018 jyly taǵaıyndaldy. Ol sıfrlandyrý men aqparattyq qaýipsizdik máselelerine jaýap bergen.