SQO-da bir kúnde qus tumaýynan 180 myńnan asa qus qyrylyp qaldy

Soltústik Qazaqstan oblysyndaǵy Beskól qus fabrıkasynda bir táýlikte 180 myń mekıen taýyqtar qyrylyp qaldy. Bul týraly Petropavlovsk.news habarlady.

Basylymnyń habarlaýynsha, aldaǵy ýaqytta da osy jaǵdaı qaıtalanýy múmkin dep josparlanyp otyr. Qustardyń qyrylýynan fabrıka qyzmetkerleri jumyssyz qalýy múmkin. Qyrkúıek aıynyń basynda 320 myńǵa jýyq taýyq pen 6 myńǵa jaýyq qaz bolǵan.

–  Búginde mekıen taýyqtardyń jartysynan azy qaldy. Keshe 180 myńnan asa qus qyryldy. Endi 30-40 myńǵa jýyq qus qyrylýy múmkin. Analyq qazdan eshteńe qalmady deýge bolady. Birneshe táýlikte ondaǵan myń qus qyryldy. О́z qolymyzben shuńqyr qazyp, órtep, shuńqyrlardy balshyqpen jaýyp, joıyp jatyrmyz, – dedi Beskól qus fabrıkasynyń tehnology Tatıana Kostenko kásiporynǵa aýyl sharýashylyǵy vıse-mınıstri Gúlmıra Isaeva arnaıy saparmen kelgen  kezinde.

Kostenkonyń habarlaýynsha, zaýyt qus tumaýyna qarsy jappaı vaksına egýge daıyn emes. Qyrkúıek aıynyń basynda analyq úırekterdiń 15 myńyna ekpe egilgen.

– Biz Soltústik Qazaqstanmen shekaralas aýmaqtarda bul indettiń órship bara jatqanyn bilgen kezde qolda bar vaksınalardy analyq úırekterge begýdi sheshtik. О́ıtkeni mekıen taýyqtarǵa vaksına jetpeıtin edi. Úırekterdi aman alyp qalady degen oıdamyz, – deıdi tehnolog.

Ol qus tumaýyna qarsy vaksınanyń myń dozasy ortasha eseppen 50 myń teńge turatynyn atap aıtty. Biraq qus fabrıkalary sýbsıdııa almaıtyndyqtan, kásiporynda mundaı qymbat vaksınasııany alýǵa qosymsha qarajat bolmaǵan.

– Kelesi kóktemde ne bolatynyn elestetýdiń ózi qorqynyshty, adamdar qussyz qalady. Taýyqtardyń bir bóligi aman qalsa da, búkil qusty joıýǵa týra keledi. О́ıtkeni ol qus tumaýyn tasymaldaýshy bolyp esepteledi. Osy aımaqtaǵy barlyq qus fabrıkalarynyń jumysy toqtap qalýy múmkin. Biz úlken tragedııa kelgenin túsinip otyrmyz: qus fabrıkasynda 170 adam jumys isteıdi, ıaǵnı 170 otbasy qystyń aldynda jumyssyz qalady, – dedi Tatıana Kostenko.

Gúlmıra Isaevanyń aıtýynsha, vaksınasııa dıagnoz qoıylǵan kezde bastalatynyn atap ótti.

– Dıagnoz 16 qyrkúıekte saǵat 21.00-de belgilendi. 17 qyrkúıekte shekteýler men vaksınasııa týraly sheshim qabyldandy, 19 qyrkúıek kúni tańerteń vaksına aımaqqa arnaıy kólikpen jetkizilip, aýdandarǵa taratyldy. Vaksınany jetkizip, taratý úshin bizge eki kún qajet boldy, – dedi ol.