Kórneki sýret
Oıynshylarǵa tapsyrma oryndatýǵa negizdelgen oıyn sharty boıynsha aqyrǵy tapsyrma túrinde sýısıd jasaý beriledi. Aqtóbe oblysy densaýlyq saqtaý basqarmasynyń shtattan tys psıhology men sýısıology Svetlana Posholchenko bul joly qurastyrýshylar qazaqtildi segmentti nysanaǵa alǵanyn aıtty.
Maman kezinde "Sınıı kıt" oıyny men "Tıhıı dom", "Sova" toptarynyń yqpalymen sýısıd jasaǵan birneshe balaǵa konsýltasııa berý úshin aýrýhanaǵa barǵan. О́zine qol jumsaýǵa árekettengender aman bolǵanymen, keıbiri sýısıdtiń agressıvti túrin jasaýǵa tyrysyp, múgedek bolyp qalǵan.
Sýısıolog ózine qol salýǵa shaqyratyn toptar men qosymshalar qazaqsha jasala bastaǵanyn aıtyp, dabyl qaqty.
– Ataýy únemi ózgerip otyrǵanymen, olardyń bári "Sınıı kıttiń" analogy. Ol jerde nusqaýlyq boıynsha balalar kezeń-keńimen qandaıda bir tapsyrma oryndaýǵa tıis. Sońǵy tapsyrma túrinde ózine qol jumsaý júkteledi. Sondyqtan balalaryńyzdyń ne istep, ınternette qandaı saıttarǵa kirip júrgenin qatań qadaǵalaýǵa shaqyramyn, – dep alaýdaýshylyǵyn bildirdi aqtóbelik maman.
Psıholog qashyqtan oqytýǵa baılanysty balalar únemi telefon men kompıýter aldynda otyratyndyqtan ár ata-ana baqylaýdy kúsheıtý qajet ekenin atap ótti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir