"13 adamnyń jaǵdaıy aýyr". О́tken táýliktegi epıdemıologııalyq jaǵdaı

Soronavirus2020.kz saıty Qazaqstanda ótken táýlikte 63 adamnan koronavırýs, 272 adamnan pnevmonııa anyqtalǵanyn habarlady.

Qazaqstanda koronavırýs anyqtalǵan alǵashqy kúnnen búginge deıin 107 262 adam indetke shaldyqqan. Onyń ishinde 101 877 naýqas aýrýdan aıyqsa, 1 671 adam qaıtys bolǵan.

Búginde elde koronavırýs ınfeksııasynan 3 684 adam em qabyldap jatyr. Olardyń arasynda 39 sábı bar. Stasıonarlarda 2 003 naýqas jatyr, 1 681 adam ambýlatorııalyq jaǵdaıda emdelýde.

Naýqastardyń arasynda 102 adamnyń jaǵdaıy nashar, sonyń ishinde 13 naýqastyń jaǵdaıy aýyr. 16 naýqas jasandy tynys alý apparatynda jatyr.

О́tken táýlikte koronavırýs ınfeksııasynyń belgileri bar pnevmonııanyń 272 jaǵdaıy tirkeldi, 100 adam aýrýdan jazylyp shyqty.

Bıylǵy tamyzdyń 1-nen beri pnevmonııamen aýyrǵandar sany 31 086 adamdy qurady, 343 adam qaıtys boldy. Al jazylyp shyqqandardyń sany 26669 adamǵa jetti.