19 Qyrkúıek, 2020 NEWS
Tramp: Reseı men Qytaı AQSh-ty "qyzǵanady"
"Bizde sýper-pýper-gıpersonııalyq zymyran bar, ol qarapaıym zymyranǵa qaraǵanda bes ese jyldam"
Foto: Interfaks
AQSh prezıdenti Donald Tramp Reseı gıperdybysty qarýdy Barak Obamanyń ákimshiliginen urlap alyp, jasap shyqqan dep málimdeme jasady. Prezıdent osylaısha qupııa aqparatty ashty degen aıyptaýlarǵa jaýap berdi, dep habarlady RIA Novostı.
– Túkke turǵysyz bireý: "Ol qupııa aqparatty jarııalap jatqan sekildi" dep jatyr. Joq. Men álemge bizde eń kúshti qarý bar ekenin aıttym, biraq men bul qandaı qarý ekenin aıtpaımyn. Biz ony eshqashan qoldanbaımyz dep úmittenemin. Bizde sýper-pýper-gıpersonııalyq zymyran bar, ol qarapaıym zymyranǵa qaraǵanda bes ese jyldam. Al Reseı bul aqparatty Obama ákimshiliginen urlap, ózderi jasap alǵan, – dedi Tramp saılaýaldy mıtıngite sóılegen sózinde.
Tramp taǵy da AQSh-tyń álemdegi eń qýatty qarýy bar ekenin qaıtalap aıtty.
– Bizde qazir adam qolynan jasalǵan eń úlken qarý bar. Biz áskerdi jandandyryp, ony eshkim múmkin emes dep oılaǵan deńgeıge kóterdik. Men adamzatqa belgili eń kúshti qarýdy jasadyq dep aıttym. Bul ras, – dedi ol.
Prezıdenttiń aıtýynsha, bul qarý ozyq tehnologııa qatarynda, sondyqtan Reseı men Qytaı AQSh-ty "qyzǵanady".
– Olar bizde ne bar ekenin bilmeıdi, biraq eshkim eshqashan estimegen bir dúnıe ekenin sezip, bilip otyr, – dep qorytyndylady Tramp.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir