17 Qyrkúıek, 2020 NEWS

"Nege balalar alańyna temeki tastaısyz?" Qaskeleńdik sheneýnik turǵyndardyń narazylyǵyn týdyrdy

Foto: qamshy.kz

Áleýmettik jelide shylym shegip, Qaskeleń turǵyndarymen dóreki sóılesken sheneýniktiń vıdeosy taraýda.

"Búgin Qaskeleńde narazy azamattar shý shyǵardy. Bir jaǵy – úıine óz qarajatyna pesh alyp qondyrǵan turǵyndar. Ekinshi tarap – ákimdik pen turǵyn úı-kommýnaldyq sharýashylyǵy. Biraq áńgime bul týraly emes. Turǵyn-úı kommýnaldyq sharýashylyǵy (TKSh) qyzmetkerine, is-áreketine qarańyz. Mádenıetti adam ózin osylaı ustaı ma?" delingen jazbada.

Jazbadaǵy derek boıynsha vıdeodaǵy adam qaskeleńdik sheneýnik. Ol turǵyndarǵa dóreki sóılep, temeki tartyp, onysyn uzamaı laqtyryp beıádep qylyq kórsetti. Bul turǵyndardyń narazylyǵyn týdyrdy.

Kadr syrtynda turǵyndardyń "Siz aqyldysyz da, biz aqymaqpyz ba?", "Nege ádep saqtamaısyz?", "Balalardyń oıyn alańyna nege temeki tastaısyz?" degen daýsy shyqty. Sheneýnik kóp suraqtarǵa qolyn bir-aq siltedi.

Almaty oblysy ákimdigindegiler jaǵdaıǵa baılanysty pikir bildirdi. Kadrdaǵy qyzmetker turǵyn úı-kommýnaldyq sharýashylyǵy basqarmasynyń bas mamany eken.

– Bul jaǵdaı Qarasaı aýdanynda boldy. Qaskeleńdegi Tóle bı kóshesiniń turǵyndary birneshe jyldan beri qazandyqtyń qurylysyna narazy birneshe. Sol jaqqa TKSh bóliminiń bas mamany Ermek Nábıev barǵan. Bul jaǵdaı sol kezde bolǵan. Qazir maman túsinikteme jazyp jatyr, ádep normalary boıynsha qyzmettik tekseris júrgiziledi, – dedi Almaty oblysy ishki saıasat bóliminiń basshysy Áset Nurekenov.

Derekkóz: Tengrinews.kz

 
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir