• USD 468.56

  • EUR 497.56

  • RUB 7.3

  • CNY 67.18

29 Naýryz, 00:39:10
Almaty
+35°

Foto: Eriktiler jaqsylyq jasaý kezinde

 

Elimizde COVID-19 indeti órship turǵan ýaqytta óz erkimen aqysyz qyzmet kórsetip, qoǵamdyq jumysqa belsendi qatysyp júrgen eriktilerdi er demeske bolmaıdy. Saıyp kelgende, qazaq halqynyń qanynda bar qaıyrymdylyq qasıettiń urpaqtan urpaqqa osyndaı ıgi ister arqyly jalǵasa beretini sózsiz. Qaıtarymsyz qaıyrymdylyq jasaýdan qol úzbegen halqymyz bıyl eriktilerdiń eren eńbegine bas ıdi. Jany meıirimge toly eriktiler álemde meıirimsiz jan bolmaıtynyn ispen kórsetti. Prezıdent Qasym-Jomart Toqaev bıylǵy 2020 jyldy «Eriktiler jyly» dep jarııalap, adamdarǵa shyn nıetimen kómektesip, ony naýqanǵa aınaldyrmaý kerektigin aıtqan bolatyn. Eriktilerdiń boıyndaǵy qaırat-jiger bul ilkimdi istiń ǵumyryn uzartty.

Meıirimdi Jetisý

Elimizdiń ulttyq qundylyqtaryn saqtaı bilgen tulǵasyn qalyptastyrýda Jetisýlyq eriktilerdiń eńbegi erlikpen teń. Oblys aýmaǵynda «Meıirimdi Jetisý» eriktiler front-keńsesiniń jumysy júzege asyrylyp keledi. Jyl basynda jalpy sany 1 myń 43 bolǵan oblys eriktileriniń sany kún sanap ósýde. Qazirgi tańda oblysymyzda 2 myń 77 erikti jastar tirkelip, kóptiń alǵysyna bólenip keledi.

Respýblıkalyq «Biz birgemiz» aksııasy aıasynda 2 myń 300 qaıyrymdylyq aksııalary men is-sharalar ótkizildi. Áleýmettik jaǵdaıy tómen, az qamtylǵan jáne kópbalaly otbasylar men jalǵyzbasty analarǵa, jalpy 17 myń otbasyna áleýmettik kómek kórsetilip, azyq-túlikpen qamtamasyz etildi. Oblys eriktileriniń atsalysýymen búgingi kúnde 64 myń medısınalyq betperde tigilip, 12 myń  lıtr antıseptık turǵyndarǵa jetkizildi.

Koronavırýs ınfeksııasynyń anyqtalýyna baılanysty karantınge jabylǵan 20 myńnan astam turǵyny bar «Asyl arman» turǵyn úı kesheni oblys jastary men eriktileriniń nazarynan tys qalǵan joq. «Meıirimdi Jetisý» eriktileri turǵyn úıdiń karantın jaǵdaıynda bolǵanyna qaramastan turǵyndarǵa medısınalyq betperde, gıgıenalyq zattar jáne azyq túlik jetkizip turdy. Túrkistan oblysy Maqtaaral aýdanyna Almaty oblysynan 15 júk kóligimen 260 tonna gýmanıtarlyq kómek jetkizilgen sátte oblys eriktileri kósh basynda júrdi. Jetisý jurtshylyǵynyń aqjoltaı amanatymen óńirden 20-ǵa jýyq erikti jastar baryp, bir apta boıy qalpyna keltirý jumystaryna atsalysty. Sondaı-aq, sý tasqynynan zardap shekken otbasyn azyq-túlik jáne ózge de qajetti zattarmen qamtamasyz etip otyrdy.

Erikti jastar gýmanıtarlyq kómek jınalǵan qoımalarǵa kúnine 300-350 tonna azyq-túlik, 250 tonna qurylys zattaryn túsirip qana qoımaı mektep-ınternattarǵa ornalastyrylǵan turǵyndardyń, balalardyń kóńilin aýlaý maqsatynda mýltfılm jáne kıno kórsetilim uıymdastyrdy. Balalarǵa bazarlyq ta taratyldy.

Qazirgi tańda oblys eriktileri kúsh biriktirip, medısınalyq qural-jabdyqtarmen qamtamasyz etýge atsalysýda. Sonymen qatar, dárigerlerge qymyz taratý, avtoeriktiler turǵyndarǵa dári-dármek jetkizý isi de qolǵa alynǵan. Búgingi kúni óńirde 70-ke jýyq avtoerikti bar. Olar kún demeı tún demeı naýqastarǵa qajetti dári-dármekti, as-aýqatty jetkizip berýde.

         Jaqsylyq jasap jarysaıyq

Jasyratyny joq, elde karantın jarııalanǵan sátte-aq azyq-túlik tapshylyǵy bolady degen halyqtyń bazar men dúkennen jappaı tamaq satyp alý úshin kezekke turǵanyn kórgenbiz. Úkimet pen jergilikti atqarýshy bılik tarapynan aıtylǵan túsindirý jumystaryna qulaq aspaǵan halyqtyń alańdaǵan kóńilin óz paıdasyna jaratyp, taýaryn qymbattatqan satýshylar qatary da kóp kezdesti. Osyndaı syn sátte jetisýlyqtardyń atqarǵan eren eńbegin erekshe atap ótkenimiz jón. Eriktiler reıdke kóp shyǵyp, turǵyndarǵa tyǵyz sharýasy bolmasa úılerinde otyrýǵa keńes berip, betperde taǵyp júrýdiń mańyzyn túsindirýdi óz mindetine alǵan.

«Er qolynda mal turmaıdy, elek ishinde sý turmaıdy», – deıdi dana halqymyz. Jomarttyq – kórkem minezdiń bir kórinisi. Muqtaj jandarǵa qol ushyn berý – din tilimen aıtqanda úlken saýap, pendeshilik tilmen aıtqanda jurtshylyqty rızashylyqqa bóleıtin óte jaqsy is. Iá, keń dalada darqandyqty boıyna sińirip ósken qazaqy asyl qasıettiń biri  – qaıyrymdylyq.  Basynan qandaı zaman ótse de jetim men jesirin jylatpaı, muqtajǵa járdemdesip, jyǵylǵanǵa súıeý bola bilgen ultymyzdy ózgelerden ereksheleıtin de osy qasıeti. Erikti bolý – erlikpen teń. Sóz sońynda aıtarymyz,  eriktilerdiń eren eńbegi aqtalyp, azamattyq qoǵam damýynda belsendilik jańa deńgeıge kóteriletinine senim mol. Árbir qazaqstandyqtyń boıynda belsendi ómir súrýge daǵdy qalyptassa alynbaıtyn asý joq.

 

Eshqashan umytpaımyz

Kógershin KENJEBEKOVA, kópbalaly ana

– Taldyqorǵan qalasynyń eriktilerine qıyn kezdegi kómekteri úshin analyq júregimmen alǵys aıtqym keledi. Kómek surap habarlasqanymyzda azyq-túlik, medısınalyq betperde, antıseptik jáne taǵy da basqa turmysqa qajetti zattardy alyp kelip, bárimizdi qýantqanda júregim eljirep, jylap jiberdim. Az qamtylǵan, men sııaqty jalǵyzbasty kópbalaly analarǵa, qarttarǵa qol ushyn sozyp, barynsha bizge kóńil bólýge tyrysyp júrgen jastardyń bolashaǵy ashyq bolsa eken dep tileımin. Bir-birimizge osylaı qoldaý kórsetý arqyly biz birligi jarasqan el ekenimizdi kórsete aldyq dep oılaımyn. Osy birligimizge, syılastyǵymyzǵa syzat túspesin. Nıetterine rızamyn. Bul kishkentaı kómek adamnyń kóńilin kóterip, qýanysh sezimin syılaǵany ras. Jergilikti turǵyndar karantın talaptaryn saqtasa bári jaqsy bolady. Bizdiń qolymyzdan eshteńe kelmese de tártipke baǵynyp, elimiz úshin duǵa jasap otyramyz. Segiz balanyń anasy retinde janashyr azamattardyń bárine alǵys aıtamyn. Biz bul jaqsylyqty eshqashan da umytpaımyz.

Batamaen kógeremiz

Nurken QOIShYBAEV,

«Meıirimdi Jetisý» eriktiler uıymynyń múshesi

– Kópshiliktiń erikti bolýdyń mańyzyn, el qamy úshin atqarylar úlken is ekenin osyndaı qıyn mezette bilgeni ras. Men de solardyń qataryndamyn. Eriktilermen birge osy az ǵana ýaqytta qansha jannyń batasyn alyp, alǵysyna bólendik. Halqymyz «Batamenen el, jańbyrmenen jer kógerer» dep tekke aıtpaǵan. Qazaqtyń ár balasy aq bataǵa laıyqty. Bata, alǵys alyp ósse, ónse, kógerse deımin. Árıne, másele alǵys alýda emes. Azamat retinde qıyn kezde elime súıenish bolý meniń basty mindetim. Analarymyzdyń janary jasqa tolmaı, ákelerimiz muńaımaı, baýyrlarymyz aman bolsa deımin.

 

"Qamshy" silteıdi
Ilmek sózder: jetisý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir