Tekeli qalasynda jańa áleýmettik sulýlyq salony ashyldy

Halyqaralyq Qaıta qurý jáne Damý Banki men QR Bilim jáne ǵylym mınıstirliginiń birlesken jobasy aıasynda uıymdastyrylǵan konkýrsqa jerlesimiz Muhamadı Shyńǵyshan Asqaruly qatysyp, joba grantyn jeńip alǵan.   

Búgin mine Tekeli qalasynan «Aııa» áleýmettik sulýlyq salonyn ashyp otyr. Bul nysannyń ereksheligi kóp balaly jáne az qamtylǵan otbasylarǵa tegin qyzmet kórsetetin bolady. Atap ótsem, joba 14 jáne 29 jas aralyǵyndaǵy jastar arasynda ótkizilip, elimizdiń ár oblysyn qamtyǵan.

Tekeli qalasynda jańa áleýmettik sulýlyq salony ashyldy. Salon ıesi jumsalǵan qarajatty arnaıy uıymdastyrylǵan konkýrs kezinde utyp alǵan.

Áleýmettik shashtarazda halyqtyń qarasy kóp bolatyny haq. Bastysy, qyzmet kórsetýshiler áleýmettik az qamtylǵan jáne kóp balalaly otbasylarǵa aqysyz qyzmet kórsetedi. Al shashtaraz ıesi bolashaqta tájirıbeli mamandar alyp, kásibin keńeıtip, suranysqa ıe úlken ortalyqqa aınaldyrýdy armandaıdy.

Tabysty joly bastalǵan jas kásipkerge sáttilik tileımiz. «Adamnyń áýelden toqymashy nemese hatshy bolyp týmaıtyny sııaqty, qaıyrymdylyq pen jaman qylyq ta adamǵa áýel bastan jaratylysynan darymaıdy» (ál-Farabı).  Izgilikti janyna serik etken el turǵyndarynyń eń ıgi isteriniń biri – muqtaj jandarǵa qamqorlyq jasaý. Adamdar bir-birine qaıyrymdylyq, meıirimdilik tanytý arqyly halyq turmysy túzelse, qamqorlyqty qajet etetin jandarǵa qol ushyn berý arqyly el alǵa qadam basady. Qaıyrymdylyq jasaý úshin asqan dáýlet emes, júrektegi meıirim men adal nıettiń bolýy jetkilikti. Qaıyrymdy jandardy «altyn júrekti adamǵa» teńeıtini de sodan bolar.