Senator qashyqtan oqytý máselelerine qatysty Asqar Mamınge saýal joldady

Parlament senatynyń jalpy otyrysynda depýtat Muhtar Qul-Muhammed qashyqtan oqytý kezinde týyndaǵan máselelerge qatysty premer-mınıstr Asqar Mamınge depýtattyq saýal joldady.

Depýtattyń aıtýynsha, eldegi bilim berý salasynda qomaqty qarjy bólingenimen ondaǵy keıbir máseleler áli sheshimin tappaǵan. Ol Qazaqstandaǵy negizgi bilim berý platformalary Bilimland.kz, Daryn.online jáne Kundelik.kz-tiń jumys jasaý jyldamdyǵy da tómen ekenin atap aıtty.

– Keıingi jyldary bilim salasyn damytýǵa, atap aıtqanda, kompıýterler satyp alýǵa, ınteraktıv taqtalarǵa, mektepterdi ınternetke qosýǵa, elektron oqý júıesin engizýge kóptegen qarajat bólindi. Talaı mınıstr osy zalǵa kelip, orasan zor jumys atqarylǵany týraly uzyn-sonar baıandaýlaryna qaramastan pandemııada bul salada qordalanǵan máselelerdiń áli kóp ekeni anyqtaldy. Bul týraly el Prezıdenti Qasym-Jomart Toqaev óz joldaýynda meılinshe ashyq, aıqyn aıtyp berdi. Ásirese, biryńǵaı bilim berý platformasyn uıymdastyrý máselesi jóninde. Endi bilim salasyndaǵy júıeli problemalar pandemııa jaǵdaıynda ǵana qalyptasqan joq. Ol jyldar boıy qordalandy, – dep atap aıtty ol.

Depýtat óz saýalynda atalǵan problemalardyń sebepteri men saldary, máselelerdi sheshý joldary anyq kórsetilgenin, olardy shartty túrle 4 topqa jikteýge bolatynyn aıtty. Osyǵan baılanysty depýtat Qul-Muhammed úkimet basshysynan tómendegi suraqtarǵa jaýap berýin surady.

– Birinshiden, memleket basshysynyń biryńǵaı bilim berý onlaın platformasyn qurý týraly tapsyrmasy qandaı merzimde iske asyrylady? Árbir múddeli memlekettik organdardyń, atap aıtar bolsaq, bilim jáne ǵylym, densaýlyq saqtaý, sıfrlyq damý mınıstrlikteriniń jumysyn úılestirý men olardyń ózara is-qımyly naqty aıqyndaldy ma? Prosesti jyldamdatýǵa tehnıkalyq múmkindikter bar ma? Biryńǵaı bilim berý onlaın platformasyn qurý úshin bıýdjetten qosymsha shyǵyndar qarastyrylǵan ba? 

Ekinshiden, qashyqtan oqytý sheńberinde azamattardyń tegin orta bilim alýyna konstıtýsııalyq kepildikter qamtamasyz etilgen be? Qashyqtan oqytý barysynda keltirilgen qosymsha shyǵyndardy óteý sizderdiń jumys josparlaryńyzda bar ma? 

Úshinshiden, uzaq merzimdi qashyqtan oqytý saldarynan bilim berý deńgeıiniń tómendeýimen baılanysty aldaǵy ýaqytta qandaı sharalar atqarylý kózdelgen. 

Tórtinshiden, ártúrli áleýmettik toptardaǵy bilim alýshylar arasyndaǵy bilim berý deńgeıiniń alshaqtyǵyn azaıtý boıynsha úkimettiń jumys jospary qandaı?

Bul problemalardyń barlyǵy respýblıkadaǵy árbir otbasyny alańdatyp otyr. О́ıtkeni, árbir otbasynda keminde 1-2 bala mektepke barady, ıa bolmasa onyń jumysyn úıinde ata-anasymen birge atalary men ájeleri de qadaǵalap otyrady. Tipti, mekteptiń ózinde mıllıondaǵan bala bilim alyp jatyr. Sondyqtan biz bul problemany jalpyhalyqtyq, búkilulttyq probelamalar dep esepteımiz, – dedi ol.