"Kúndelik.kz" platformasy 4,5 mıllıon adamǵa qyzmet kórsetedi

Ortalyq kommýnıkasııalar qyzmetinde ótken onlaın brıfıng barysynda "Kúndelik" JShS bas dırektory Muhtar Ilııasov "Kúndelik.kz" platformasynyń 2 238 563 oqýshyǵa jáne 332 601 ustazǵa qyzmet kórsetetinin aıtty. Bul týraly Elorda.info málimdedi.  

– Biz 2016 jyldan beri jumys istep kelemiz. Kúndelik.kz – mektepterge, bilim berý mekemelerine tolyqtaı aqysyz júıe. Bul platforma bıylǵy jańa oqý jylynyń birinshi toqsanynda sabaq qashyqtan bilim berý formatynda ótetindigin eskere otyryp, jaz boıy daıyndyq júrgizdi. Paıdalanýshylardyń yqtımaldylyq júktemesi jeńildetildi. Infraqurylymdyq júıesi 30 paıyzǵa keńeıtilip, júıe edáýir jaqsartyldy. Osynyń arqasynda biz birinshi toqsanda tolyq daıyn boldyq. Tehnıkalyq aqaýlar bolǵan joq. Qazirgi ýaqytta "Kúndelik" jobasynda 6 200-deı mektep jumys istep jatyr. Naqtyraq aıtqanda, 332 601 muǵalim men 2 238 563 oqýshyǵa, 2 016 990 ata-anaǵa qyzmet kórsetip jatyrmyz", – dedi basshy.