16 Qyrkúıek, 2020 NEWS

Toqaev jańa taǵaıyndalǵan tótenshe jaǵdaılar mınıstrin qabyldady

Foto: akorda.kz

Prezıdent Qasym-Jomart Toqaev tótenshe jaǵdaılar mınıstri Iýrıı Ilındi qabyldady. Bul týraly Aqorda habarlady.

Prezıdentke qaıta qurylǵan mınıstrliktiń qurylymy, basqa memlekettik organdardan ónerkásip qaýipsizdigi salasyndaǵy keıbir fýnksııalardy, memlekettik materıaldyq qordy berý úderisi, sondaı-aq, Ishki ister mınıstrliginiń quramyna kirgen áskerı bólimshelerdi aýystyrý jumystary týraly baıandaldy.

Iýrıı Ilın prezıdent Qasym-Jomart Toqaevqa bıylǵy Qazaqstan Respýblıkasyndaǵy tótenshe jaǵdaılardyń aldyn alý jáne joıý memlekettik qyzmetiniń 25 jyldyǵy qarsańynda, atalǵan qurylymdy qaıta qalpyna keltirgeni úshin mekeme qyzmetkerleriniń atynan alǵys bildirdi.

Memleket basshysyna osy jyldyń 8 aıyndaǵy tótenshe jaǵdaılardyń, tabıǵı jáne tehnogendik apattardyń, sondaı-aq, osyndaı jaǵdaılarda qaza bolǵandar sanynyń azaıǵany týraly da aqparat berildi.

Kezdesý qorytyndysy boıynsha memleket basshysy Qasym-Jomart Toqaev jylytý maýsymymen jáne qysqa daıyndyq jumystaryn júrgizý, túrli tótenshe jaǵdaılardy azaıtý, qar burqasyndaryna ázirlik, sondaı-aq, kóktemgi tasqyndar men eldi mekenderdi sý basý qaýpiniń aldyn alý máseleleri boıynsha birqatar naqty tapsyrma berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir