15 Qyrkúıek, 2020 NEWS

Toqaev: Karantın talaptaryn birtindep jeńildetý mańyzdy

Foto: qamshy.kz

Memleket basshysy Qasym-Jomart Toqaev premer-mınıstr Asqar Mamındi qabyldady, dep habarlady Aqorda.

Mamın bıylǵy qańtar-tamyz aılary aralyǵyndaǵy elimizdiń áleýmettik-ekonomıkalyq damý qorytyndylary týraly esep berdi.

Onyń aıtýynsha,  8 aıda qaıta óńdeý ónerkásibindegi ósim 3,3%-ǵa, onyń ishinde mashına jasaý – 16,3%-ǵa,  kólik qurastyrý – 51,8%-ǵa, sondaı-aq farmasevtıka –34,1%-ǵa, jeńil ónerkásip – 11%-ǵa, hımııa ónerkásibi – 3,1%-ǵa jáne daıyn metal ónimderin shyǵarý – 18,8%-ǵa ósken.

2020 jyly ındýstrııalandyrý kartasy aıasynda, jalpy somasy 996 mlrd teńge bolatyn 206 jobany iske qosý josparlanǵan. Bul óndiris kólemin 1,3 trln teńgege, eksportty 325 mlrd teńgege arttyrýǵa jáne 19 myńǵa jýyq jańa jumys oryndaryn ashýǵa múmkindik beredi.

Qurylys kólemi – 6,5%-ǵa, turǵyn úıdi paıdalanýǵa berý – 6,4%-ǵa nemese 8,1 mln sharshy metrge artty. Jyl basynan beri 71 myń jańa úı salyndy, bul ótken jylmen salystyrǵanda 8,6%-ǵa artyq.

Aýyl sharýashylyǵyndaǵy turaqty ósim 4,9% qurady, azyq-túlik óndirisiniń kólemi 3,6%-ǵa artty.

Asqar Mamın qabyldanǵan sharalar nátıjesinde áleýmettik mańyzdy taýarlar baǵasynynyń artýyn 4,4% deńgeıinde ustap turýǵa múmkindik berdi, bul ótken jyldyń kórsetkishterimen salystyrǵanda eki ese (8,7%) tómen ekenin atap aıtty.

Jyl basynan beri memlekettik baǵdarlamalar aıasynda 874 myń adam jumyspen qamtylǵan, ótken jylmen salystyrǵanda bul kórsetkish 82,1%-dan asady.

Memleket basshysy kezdesýde turǵyndardy jumyspen qamtý, kásipkerlik sýbektilerine qoldaý kórsetý, óndiris úderisterine jańa tehnologııalar engizý, epıdemıologııalyq jaǵdaıdy turaqtandyrý men karantın talaptaryn birtindep jeńildetý mańyzdy ekenin atap ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir