15 Qyrkúıek, 2020 NEWS

Qytaı Ilon Maskqa básekeles bolatyn jyljymaly ǵarysh aılaǵyn salyp jatyr

Sýrette: Sary teńizdegi jyljymaly platformadan qytaılyq zymyrannyń kóterilýi

Qytaı Tynyq muhıtynan zymyran ushyra alatyn júzbeli ǵarysh aılaǵyn salyp jatyr.

Qytaıdyń Shandýn provınsııasyndaǵy Haııan qalasynyń jaǵalaýyndaǵy "Shyǵys aeroǵaryshtyq portynda" shaǵyn zymyrandardy salý jáne olarǵa qyzmet kórsetý bastalady.

"Muny Qytaıdaǵy "China Aerospace Science and Technology Corp (CASC)" dep atalatyn eń iri qorǵanys merdigeri jasaıdy" dep habarlaıdy Universe Today.

"Jaqyn ýaqytta teńizde ornalasqan ushyrý qondyrǵylary áldeqaıda jıi bolady dep kútilýde" delingen jańalyqtar saıtynda.

Shyǵys aeroǵaryshtyq porty jeńil kóliktermen qatar, shaǵyn zymyrandardy, jer serikterin jáne basqa ǵaryshtyq tehnologııalardy ushyrýmen aınalysady.

О́tken aptada CASC sheńberindegi Qytaıdyń kólik quraldaryn iske qosý tehnologııasynyń jetekshisi Van Sıaodzıýn porttyń qurylysynda "aıtarlyqtaı ilgerileýshilik" bolyp jatqanyn aıtty.

Beıjiń jerserikterdi qashan ushyratyny ázirge belgisiz. Qurylys aıaqtalǵannan keıin port Qytaıdyń zymyrandardy ushyratyn besinshi alańy atanady.

Teńizden ushyrý – ǵaryshtyq tehnologııanyń kelesi qadamy.

Olar orbıtaǵa jetý úshin az otyndy qajet etedi, demek, bul tehnologııa ekvatorǵa jaqynyraq ornalastyrý múmkindigi sııaqty artyqshylyqtarǵa ıe.

AQSh-tyń SpaceX zymyran kompanııasy shýyl týraly shaǵymdar estimes úshin aldaǵy "Starship" ǵarysh kemesin qalqymaly jastyqshalardan ushyrýǵa úmitti ekenin málimdedi.

Qytaı ótken jyly óziniń alǵashqy teńiz ushyrylymyn aıaqtap, ǵaryshqa bes kommersııalyq jer serigin jáne taǵy eki eksperımenttik tehnologııany jiberdi.

7 qarasha kúni qytaılyq BAQ Beıjińniń qaıta paıdalanýǵa bolatyn tájirıbelik zymyrandardy sátti ushyryp, qaıtadan qondyrǵanyn habarlap, Qytaıdyń ǵaryshty ıgerýindegi mańyzdy jetistikke qol jetkizgenin jarııalaǵan bolatyn. 

Ilmek sózder: Qytaı Mask

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir