15 Qyrkúıek, 2020 NEWS

5 dana kıslorodty konsentrator apparatyn tabystady

Foto: Almaty oblysy aqparat ortalyǵy

Almaty oblysy Alakól aýdandyq ortalyq aýrýhanasyna "Shuǵyla" qaıyrymdylyq qory koronavırýsty emdeýge óte qajetti kıslorodty konsentrat quralyn tabystady.

Dúnıejúzine dúrbeleń salǵan pandemııa eń aldymen jurtqa densaýlyqtyń qadirin jáne adamzattyq eń asyl qasıet «qaıyrymdylyq pen meıirimdilikti» qaıta esine túsirgendeı. Sebebi koronavırýs indeti tarala bastaǵan mezetten beri barlyq el azamattary bir-birlerine kómek qoldaryn sozyp, qıyndyqqa qarsy bir adamaı jumylýdy úırengen syńaıly.

Bundaı ıgilikti ister Alakól aýdanynda da óz jalǵasyn tabýda. Kúni búgin dertpen kúreste aldyńǵy shepte júrip, barlyq aýyrtpalyqty óz moıyndaryna alyp otyrǵan aq jeleńdi abzal jandar men syrqattyń samalyn sezinip otyrǵan halyqqa septesý maqsatynda úlken kómek kórsetildi.

Ataı ketsek, «Shuǵyla» qorynyń atynan Alakól aýdanynyń atpal azamattarynyń biri Ryskeldi Aımanbetov ortalyq aýrýhanaǵa 5 dana kıslorodty konsentrator apparatyn tabystap, aýrýǵa shaldyqqandarǵa kómegin kórsetsin degen tilegin bildirdi.

 «Qaıyrymdylyq jasasań, qaıyryn óziń kóresiń». Atymtaı azamattardyń bul isi kópke úlgi. Eń keremeti jomart jandardyń Tekelidegi izgi is, ıgilikti sharalar munymen toqtap qalmaıtyndyǵyn, ári qaraı da jalǵasyn tabatyndyǵyn aıtýda.

Biz de óz kezegimizde «Yrys» sharýa qojalyǵy basshysynyń yrysty isine rızashylyq bidirip, jasandy tynys alý quraldary talaı syrqattyń aıaqtan tik turyp ketýine septigin tıgize bersin deımiz.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir