14 Qyrkúıek, 2020 NEWS

Aımaǵambetov ashylýyna qatysqan mektep tekserilip jatyr

Foto: Qamshy.kz

Aqmola oblysynyń polısııa bólimi, sonymen qatar taýarlar men qyzmetterdiń sapasyn baqylaý jáne qaýipsizdigi departamenti Býrabaıdyń IQanat orta mektebindegi sanıtarlyq normalardyń buzylýyna qatysty tekseris bastady. Bul týraly kaztag.kz habarlady.

Keshe Nıkolaı Enelane atty feısbýk qoldanýshysy Býrabaıdaǵy jańa mekteptiń ashylý saltanatynda sanıtarlyq talaptardyń saqtalmaǵanyn aıtyp, foto jarııalady. Mekteptiń ashylýyna bilim jáne ǵylym mınıstri Ashat Aımaǵambetov te qatysqan. Jarııalanǵan sýretten mınıstrdi maska taqpaǵan adamdardyń qorshap turǵanyn kórýge bolady.

Nıkolaı Enelane 100-ge jýyq adamnyń betperdesiz júrgenin jetkizgen.

"Rahımbaev Aıdyn Jumádiluly, siz jeke ózińiz qalaı oılaısyz, maskany durys kımegenińiz jáne taqpaǵanyńyz úshin qansha tóleý kerek – 83 340? Alǵashqy fotosýrettegi 100-den astam adam qansha tóleýi kerek. Býrabaıdyń IQanat orta mektebine zańdy tulǵa retinde tóleıtin aıyppul mólsheri qansha? 

Sýretterdiń birinde áli ketpegen bilim jáne ǵylym mınıstri Ashat Qanatulyn maskasyz 10 (!) eresek adam qorshap tur. Esterińizge sala keteıin, bul mektepterdi ashýǵa bolmaıdy, óıtkeni balalar qaýipti toptardan eresekterge juqtyrady degen. Ashat Aımaǵambetov, bul qalaı, qos standarttyq qaıdan shyqty? Jańa mektepte qandaı sanıtarlyq-epıdemıologııalyq rejım saqtalady?" delingen jeli qoldanýshysynyń jazbasynda.

Taýarlar men qyzmetterdiń sapasyn baqylaý jáne qaýipsizdik komıtetiniń resmı ókili Erjan Baıtanaevtyń sózinshe, bul is-shara atalmysh departament pen Býrabaı aýmaqtyq ákimshiliginiń aldyn ala kelisiminsiz ótkizilgen.

E.Baıtanave tekserý nátıjeleri boıynsha Qazaqstan Respýblıkasynyń jáne Aqmola oblysynyń bas memlekettik sanıtarlyq dárigerleri sheshimderiniń talaptaryn buzǵan zańdy jáne jeke tulǵalarǵa ákimshilik kodekstiń 425-babynyń 1-bóligine sáıkes ákimshilik sharalar qoldanylatynyn atap ótti. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir