14 Qyrkúıek, 2020 NEWS
Foto: Qamshy.kz
Qazaqstannyń bas sanıtar dárigeri Aıjan Esmaǵambetova 20 qyrkúıekten keıin qatań karantın sharalary engiziledi degen aqparatqa baılanysty pikir bildirdi.
Eldegi epıdemıologııalyq jaǵdaı maýsym-shilde aılaryndaǵy ahýalǵa qaraǵanda turaqty ekenin aıtqan ol resmı aqparatqa ǵana senýge shaqyrdy.
Bas sanıtar dáriger "qyrkúıekte karantın engizedi" degen aqparatty joqqa shyǵaryp, búkil el boıynsha jáne ár óńirdegi, eldimekendegi ahýalǵa kúndelikti monıtorıng júrgizilip otyrǵanyn málim etti.
– Qabyldanatyn sharalardyń barlyǵy da epıdemıologııalyq ahýalǵa baılanysty, – dep sózin túıindedi Aıjan Esmaǵambetova Nur-Sultan qalasyndaǵy №6 qalalyq emhanaǵa kelgen sátinde.
Atalǵan emhanaǵa Qazaqstannyń densaýlyq saqtaý mınıstri Alekseı Soı da kelip, maýsymdyq tumaýǵa qarsy vaksına saldyrǵan.
Derekkóz: QazAqparat
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir