11 Qyrkúıek, 2020 NEWS

Qasym-Jomart Toqaev Saparbaevty qabyldady

Foto: Aqorda saıtynan

 
 
Prezıdent Qasym-Jomart Toqaev Jambyl oblysynyń ákimi Berdibek Saparbaevty qabyldady, dep habarlady Aqorda resmı saıty.

Memleket basshysyna óńirdiń áleýmettik-ekonomıkalyq damýy, sonymen qatar, prezıdenttiń Qazaqstan halqyna joldaýynda qoıylǵan mindetterdi júzege asyrý jospary tanystyryldy.

Kezdesýde turǵyndardy jumyspen qamtý máselelerine basa nazar aýdaryldy. Aımaqta jańadan 26,7 jumys orny ashylǵan. Daǵdarysqa qarsy is-sharalar men memlekettik jáne aımaqtyq ártúrli baǵdarlamalar aıasynda 1370 jobany iske asyrýǵa 142 mıllıard teńge baǵyttaldy. Osy jobalardy júzege asyrý arqyly oblys turǵyndaryn taza aýyz sýmen qamtamasyz etý úlesi 72%-dan 77,1% -ǵa, gazben qamtý 74,2%-dan 85,9%-ǵa artady.

Qasym-Jomart Toqaevqa Qordaı aýdanyndaǵy ahýal týraly da baıandaldy. Oblys ákimi Berdibek Saparbaevtyń aıtýynsha, qazirgi ýaqytta jaǵdaı turaqty. Bıyl aýdanda turǵyn úı jáne jol qurylysy, bilim berý, medısına, mádenıet jáne sport salasynda jalpy somasy 31,7 mıllıard teńgege 336 joba iske asyrylǵan.

Turǵyn úıler men kommersııalyq nysandardy qaıta qalpyna keltirý máseleleri qatań baqylaýda. Qaıyrymdylyq qorlarymen 311 mıllıon teńge jınalyp, 41 turǵyn jáne 13 kommersııalyq nysan qalpyna keltirilgen. Sonymen qatar qatty zardap shekpegen 103 nysanǵa jóndeý jumystary ótkizilgen. 

Prezıdenttiń tapsyrmasyna sáıkes, koronavırýstyń bolýy yqtımal ekinshi tolqynyna daıyndyq jumystary júrip jatyr. Aýrýhanalardaǵy tósek-oryn kólemi 2530 orynǵa artqan. Pandemııamen kúreske 8,1 mıllıard teńge bólinip, dári-dármekterdiń eki aıǵa jetkilikti qory jasaqtalǵan.

Ilmek sózder: prezıdent ákim

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir