11 Qyrkúıek, 2020 Barlyq aımaqtar
foto: https://www.inform.kz
AQTAÝ. QazAqparat - Mańǵystaýda «Aýyl» Halyqtyq demokratııalyq patrıottyq partııasynyń tóraǵasy Álı Bektaev óńirdiń zııaly qaýym ókilderimen kezdesti.
Partııa tóraǵasy saıası uıymnyń qoǵamdyq qurylym retinde birneshe jyldan beri ulttyq qundylyqtardy dáripteý baǵytynda atqarǵan jumystary men bolashaq josparlary jaıynda aıtty.
«Qazaq halqy úshin ulttyq qundylyqtarymyzdyń negizi aýyl topyraǵynan tamyr tartady. «Aýyl» partııasy 2016 jyldan beri «Aýylym altyn tuǵyrym» atty ádebı-onlaın konkýrsyn uıymdastyryp keledi. Búginge deıin oǵan 100-den astam qalamger qatysty. Ásirese, jastardyń qyzyǵýshylyǵy joǵary. Jyl saıyn ádebı konkýrsqa jiberilgen shyǵarmalardyń ishinen úzdikteri iriktelip alyndy. Nátıjesinde «Altyn tuǵyr» atty úsh tomdyq jınaq jaryq kórdi. Bıylǵy jyldy eseptegende aýyl taqyrybyna arnalǵan úzdik týyndylardyń kólemi 12 tomdy qurady»,- dedi Álı Bektaev.
Jıynǵa qatysýshylar ulttyq qundylyqtarǵa qatysty kózqarasty qaıta qaraý qajettigin aıtty. Sebebi, jańa zaman jańa trend, jańa talap týǵyzyp otyr. Máselen, qoǵam belsendisi, medıa-menedjer Ánýar Bımaǵambettiń aıtýynsha, ulttyq qundylyqtardy dáripteý úshin kez kelgen adam sol ulttyq qundylyqtarymyzben ómir súrýi tıis.
«Ult degen kózqarastyń ózine qazir basqasha qaraıtyn ýaqyt keldi degen alǵyshart qoıylyp jatyr. Kez kelgen memleket óziniń ulttyq ıdeologııasyn qalyptastyryp jasaıtyn kezde, ulttyq qundylyǵyna basymdyq beredi. Sebebi ol memlekettiń táýelsizdigine tikeleı áser etedi. О́ziniń modelin, mádenı órkenıetin, ult retindegi ereksheligin saqtaǵan memleketterde ǵana bul másele aıtylýy múmkin. Ulttyq qundylyqtarǵa mádenı-materıaldyq mura retinde qaramaýy tıis. Kez kelgen qazaqstandyq ulttyq qundylyqtardy saqtaı otyryp, búgingi zamanmen baılanystyra otyryp ómir súrýi kerek», -dedi Á. Bımaǵambet.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir