11 Qyrkúıek, 2020 NEWS
Foto: qamshy.kz
Májilis depýtaty Bekbolat Tileýhan ózin shetelge qarý satýshylardyń artyn jaýyp otyrdy delingen áleýmettik jelide taraǵan vıdeoǵa qatysty pikir bildirdi.
– Áleýmettik jelilerde meniń atyma jala jabylǵan vıdeo tarap jatyr. Beınejazbada meniń jáne basqa da birneshe azamattyń aty aıtylyp, uıymdasqan qylmysqa qatysty etip kórsetedi. Osyǵan oraı, abyroı-bedelime nuqsan keltiretin jalǵan aqparat berýshi – vıdeodaǵy tulǵalardy anyqtap, tekserip, olardyń jasaǵan áreketteri úshin zań aldynda qatań túrde jazalanýyn surap, QR Ulttyq qaýipsizdik komıtetine, QR Ishki ister mınıstrligine shaǵym túsirdim. Sondaı-aq, osy jalǵan aqparatty taratýshylardy anyqtap, qatań shara qoldanýdy suradym, – deıdi ol.
Buǵan deıin facebook jelide jýrnalıst Toqtar Jaqash shetelge zańsyz qarý satyp, ustaldy delingen adamnyń vıdeosyn jarııalaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir