11 Qyrkúıek, 2020 Barlyq aımaqtar

Májiliste Tótenshe jaǵdaılar mınıstriniń kandıdatýrasy kelisildi

Nur-Sultan, 11 qyrkúıek, Májilis úıi. Búgin Májilistiń Ekologııa máseleleri jáne tabıǵat paıdalaný komıtetiniń otyrysy ótip, onda Qazaqstan Respýblıkasy Tótenshe jaǵdaılar mınıstri qyzmetine taǵaıyndaý úshin Iýrıı Ilınniń kandıdatýrasy kelisildi.

Májilistiń Baspasóz qyzmeti. Sýretti túsirgen J.Quspanov

Jýyrda ǵana Memleket Basshysy Qasym-Jomart Toqaev Qazaqstan halqyna joldaýynda Tótenshe jaǵdaılar mınıstrligin qaıta qurýdy tapsyrǵan bolatyn.

         Osyǵan oraı, «Qazaqstan Respýblıkasynyń Parlamenti jáne onyń depýtattarynyń mártebesi týraly» Konstıtýsııalyq zańnyń 22-1 babyna sáıkes, Iýrıı Ilınniń kandıdatýrasy Májilistiń beıindi komıtetine usynyldy.

         Aǵymdaǵy sessııada Májiliste engizilgen mınıstrlerdi kelisýdiń jańa nysanyna sáıkes, Iýrıı Ilın depýtattardyń suraqtaryna jaýap berip,  óziniń jumysyn uıymdastyrý týraly oı-pikirin jetkizdi. Sýretti túsirgen J.Quspanov

Atap aıtqanda, depýtattar «Kazavıaspas» qyzmeti, tótenshe jaǵdaılar týraly eskertýdiń dáıektiligin arttyrý, belsendi sharalardy ázirleý, óndiristik, munaı, jarylý qaýpi joǵary kásiporyndarda órt qaýipsizdigin qamtamasyz etý boıynsha jumystardyń tıimdiligin arttyrý máselelerin kóterdi. Sonymen birge Májilis depýtattary Palatanyń qaraýynda jatqan zań jobalary boıynsha depýtattyq korpýspen jedel ózara jumys isteýdiń qajettiligine nazar aýdardy.

Komıtet otyrysynyń nátıjesi boıynsha tıisti Qorytyndy qabyldandy. Qujatta Májilistiń Ekologııa máseleleri jáne tabıǵat paıdalaný komıteti Ilın Iýrıı Vıktorovıchtyń kandıdatýrasyn qaraı otyryp, ony Qazaqstan Respýblıkasynyń Tótenshe jaǵdaılar mınıstri qyzmetine taǵaıyndaýǵa usynýǵa bolady dep sanaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir