• USD 468.56

  • EUR 497.56

  • RUB 7.3

  • CNY 67.18

28 Naýryz, 23:11:49
Almaty
+35°

Qytaıdyń áleýmettik jelilerinde Undistan men Qytaı arasyndaǵy shekaranyń daýly ýchaskesinde qos eldiń áskerı kúshteri arasyndaǵy qaqtyǵystyń vıdeosy tarady. Bul týraly South China Morning Post saıty habarlady.

Jazba ınternette alǵash 8 qyrkúıekte jarııalanǵan. Beınejazbada judyryqtasyp, dýbınkamen birin-biri uryp jatqan adamdar taýly aımaqta máselelerin sheship jatqan Qytaı men Úndistan áskerı kúshteri delingen. Alaıda óziniń senimdi derekkózine (áskerı sarapshy) súıengen qytaılyq basylym vıdeonyń jasandy ekenin jáne onyń "birneshe aı buryn" jasalǵanyn habarlady. Derekkóz áskerı kúshter "ustamdylyq tanytyp" atys qarýyn qoldanbaǵanyn atap ótken.

15 maýsymda Úndistannyń Ladah aımaǵyndaǵy Galvan alqabynda úndi jáne qytaı áskerı kúshteri arasynda janjal bolǵanyn eske salǵan basylym, onyń nátıjesinde kem degende 20 úndi áskeri qaıtys bolǵanyn jazdy. Sol kezde Beıjiń oqıǵadan qansha adam zardap shekkenin aıtýdan bas tartqan.

О́zin anonımdi túrde jarııalaýdy suraǵan áskerı sarapshynyń aıtýynsha, vıdeodaǵy qaqtyǵys 15 maýsymda bolǵan jaǵdaı emes, bul mamyr aıynda Galvan alqabynda bolǵan.

"Olardyń qarýlaryna qaraǵanda, bul beıne erterekte bolǵan qaqtyǵys, óıtkeni biz eki jaqtyń da mamyr aıynan keıin ǵana ózderiniń jabdyqtalǵan bólimshelerin jibere bastaǵanyn bilemiz" dedi senimdi derekkóz.

"Qamshy" silteıdi
Ilmek sózder: qytaı úndi qaqtyǵys

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir