Jas Otan árbir óńir, qala jáne aýdan boıynsha 216 baǵdarlama jarııalady

«Jas Otan» Jol kartasynyń 216 jobasyn jarııalady. Onda árbir óńir, qala jáne aýdan boıynsha jastardyń negizgi problemalaryn sheshýge qatysty naqty sharalar kórsetilgen. Qazaqstandyq jastar atalǵan qujatpen tanysyp qana qoımaı, sonymen qatar, jasotan.kz jáne primaries.kz saıttar arqyly óz usynystaryn joldaı alady dep habarlaıdy «Nur Otan» partııasynyń baspasóz qyzmeti.
Baspasóz qyzmetiniń habarlaýynsha, Partııa Lıderi Nursultan Nazarbaevtyń tapsyrmasyna sáıkes «Nur Otan» partııasynyń jas jaqtastary qazaqstandyq jastardy qoldaýǵa arnalǵan «Jastar-Otanǵa!» 5 jyldyq baǵdarlamasyn ázirlegen. Ol úzdik álemdik tájirıbelerdi jáne búkil el boıynsha jastardyń 3 myńnan astam usynysyn eskere otyryp daıyndalǵan.
Baǵdarlamada jumystyń negizgi baǵyttary, onyń ishinde qoljetimdi baspana men jas otbasylardy qoldaý, jumysqa ornalastyrý jáne jumyspen qamtý máseleleri kórsetilse, al Jol kartasy – bul naqty kúnderi men maqsatty ındıkatorlary kórsetilgen ózindik sheberlik jospary.
Máselen, elordada turǵyn úı máselesin sheshýmen qatar, daryndy jastarǵa grant bólý, sport nysandaryna jeńildikpen qoljetimdilikti keńeıtý, ata-anasynyń qamqorlyǵynsyz qalǵan jáne ınternattan shyqqan jastarǵa qoldaý kórsetý jáne t.b. kózdelgen.
Jambyl oblysynda 2021 jyldan bastap jas otbasylarǵa arnalǵan memlekettiń qatysýymen salynatyn turǵyn úı satyp alý úshin «Áýlıeata jastary» nesıeleý baǵdarlamasyn iske qosý josparlanyp otyr. Jastardy jumyspen qamtý máselesimen Almaty oblysyndaǵy jasotandyqtar belsendi aınalysýǵa nıetti. О́ńirlik baǵdarlama jyl saıyn 10 myńǵa jýyq jasty jumyspen qamtýǵa ýáde beredi.
Qostanaı oblysynda buqaralyq sportty damytýǵa erekshe kóńil bólindi. 2025 jylǵa deıin baǵdarlamany iske asyrý aıasynda jasandy jabyny bar 30 shaǵyn fýtbol alańy, 10 strıtbol alańy, strıt-vorkaýt alańdary, oblystyń qalalary men aýdandarynda 29 hokkeı korty salynbaq.
«Jastar-Otanǵa!» baǵdarlamasynyń Jol kartasynda jastar kásipkerligin damytýǵa erekshe nazar aýdaryldy.
Aıtalyq, Mańǵystaý oblysynda jyl saıyn 500 jas «Bastaý bıznes» baǵdarlamasy boıynsha óz isin júrgizýdi tegin oqı alady. Sondaı-aq, óńirdiń jas kásipkerleri úshin nesıeler boıynsha mólsherlemelerdi tómendetý jáne memlekettik sýbsıdııalarǵa qoljetimdilikti keńeıtý josparlanýda.
Bilim berý jáne tulǵalyq ósý salasy óńirlik baǵdarlamalarda da eskerilgen.
Taraz qalasynda jastar saıasaty mektebiniń bazasynda jyl saıyn 70 adam taǵylymdamadan ótedi. 2023 jyly «SMART» oqý ortalyǵyn ashý kózdelip otyr.
2025 jylǵa deıingi «Jastar-Otanǵa!» Baǵdarlamasyn jyl sońyna deıin bekitý josparlanǵan. Oǵan deıin joba jastar arasynda, onyń ishinde «Nur Otan» partııaishilik praımerızderindegi pikirsaıystar aıasynda talqylanbaq.