• USD 468.56

  • EUR 497.56

  • RUB 7.3

  • CNY 67.18

29 Naýryz, 03:16:59
Almaty
+35°

Bilim jáne ǵylym vıse-mınıstri Sholpan Karınova qashyqtan oqytý kezinde birqatar problemalar týraly ortalyq kommýnıkasııalar qyzmetindegi brıfıngte habarlady. 

– Oqý jyly bastalmas buryn úlken daıyndyq jumystary atqaryldy. Búgingi kúni barlyq mektep oqýshylary oqý prosesine kiristi. 77 paıyzǵa jýyq oqýshylar búgingi kúni qashyqtan oqytylyp jatyr. Shtattyq rejımde oqytylyp jatqan mektepterdiń sany 3 000-ǵa jýyq. Ol jalpy qazaqstandyq 7 000 mekteptiń 43 paıyzyn quraıdy. Sonymen birge barlyq mektepterde 1-4-synyptary jáne mektep aldy synyptarynda kezekshi synyptar jumystaryn bastady. Olarda 547 myńnan asa oqýshylar oqytylyp jatyr. Bir aıta ketetin másele osy jerdegi 60 paıyzǵa jýyq oqýshylar – 1-synyp oqýshylary. Sondyqtan búgingi kúni taratylyp jatqan keıbir aqparattar oqý jyly bastalýyna baılanysty uıymdaspaǵan túrde bastalǵandyǵy jónindegi aqparattar shyndyqqa ulaspaıdy.

Búgingi kúni 500 myńnan astam muǵalimder barlyq bilim mekemelerinde jumys atqaryp jatyr. Barlyq muǵalimderdiń jasap jatqan eńbekterin joqqa shyǵarýǵa eshbir bolmaıdy. Mınıstrlik buǵan deıingi ýaqytta da muǵalimderge alǵysyn aıtyp keldi. Qazirgi qıyn jaǵdaıda oqý prosesin shtatty bastap jatqan ártúrli formatta jumys istep jatqan muǵalimderge taǵy bir mınıstrliktiń tarapynan úlken raqmetimizdi aıtamyz. 

Jalpy búgingi kúni aqparatqa toqtaıtyn bolsaq, oqý jylynyń toǵyz kúni ótip jatyr. Sonyń ishinde bir kúnniń ishinde 2 mln-nan asa sabaqtardyń berilgendigin kórip otyrmyz. Árıne, qashyqtan oqytýdy uıymdastyrý boıynsha da, shtattyq uıymda jumysty ornalastyrý boıynsha da birqatar jumystar jasaldy. Sanıtarlyq talaptardy saqtaýǵa baılanysty jáne qashyqtan uıymdastyrýǵa baılanysty barlyq oqýshylardy qajetin talap etetin oqýshylardy kompıýterlermen qamtamasyz etý jumystary júrgizildi dep aqparattandyrǵan bolatynbyz. Búgingi kúni 435 myń oqýshyǵa kompıýterler taratylyp berildi. Bul – qashyqtan oqytýdy uıymdastyrý úshin jasalǵan is-sharalar, – dedi ol.

Vıse-mınıstr Zoom platformasy arqyly bolǵan problemalar týraly atap ótti.

– Árıne, qashyqtan oqytý kezinde problemalardyń bar ekendigin bilemiz. Bilim jáne ǵylym mınıstrligi bul boıynsha kúndelikti bilim mekemelerimen, bilim basqarmalarymen jumys istep otyrmyz. Onyń ishinde áleýmettik jelilerde muǵalimderdiń, ata-analardyń kóterip otyrǵan máselelerin, depýtattardyń máselelerin biz de baıqap kórip otyrmyz. Olardyń árqaısysyna da jeke túrde jaýap berip, jeke túrde qarastyrylyp, barlyq máselelerdi sheshý suraqtarymen aınalysyp jatyrmyz. Jylda oqý jylynyń bastalýy oqý prosesin bastaýda uıymdastyrýshylyq kezeńderden bastalady. Ol tarıfıkasııa jasaý, oqý jylynyń bastalýy, oqý josparyn qurý, sabaq kestesin qurý sııaqty máseleler – bıyl oqý jylyna tán prosester. Búgingi kúni osy jumystardyń barlyǵy aıaqtalyp kele jatyr.

Osy aqparattyq jelilerde taraǵan keıbir aqparatta keı sabaqtyń sátti ótpegeni týraly da habardy biz estidik. Osy boıynsha da birneshe taldaý jumystary júrgizildi. 2 mln ótkizilgen sabaqtyń ishinde bir eki sabaqtyń sátsiz ótkizilgeni, Zoom jelisinde ótkizilgen sabaqqa bógde adamdardyń aralasyp, osy sabaqta keleńsiz oqıǵalarǵa jetkizgenin biz de kórdik. Bul boıynsha barlyq muǵalimderge, mektepterge túsindirme jumystary júrigizilip jatyr. Barlyq 347 myńnan asa muǵalimderge daıyndyq kýrstary ótkizildi. Eń bastysy, qashyqtan formatyn esker otyryp, olardy IT kompetensııalarǵa úıretý bolatyn. Biraq búgingi kúni osyndaı keleńsiz jaǵdaılar boldy. Taǵy da túsindirme jumystaryn júrgizip, keleńsiz jaǵdaılardyń bolmaýyn qaraıtyn bolamyz. 

Sonymen qatar ata-analar da osy boıynsha balalarymen túsindirme jumystaryn júrgizýdi taǵy da surap otyrmyz. О́ıtkeni Zoom konferensııasy da, basqa da baılanystyń túrlerin ınternet platformalarynyń árqaısysy da búgingi kúni aqparttyq júıede qaýipti bolýy múmkin. Osy jaǵdaıda ár bilim prosesine qatysýshynyń óziniń jaýapkershiligi bolýy kerek. Mysaly Zoom platformasyna kirgizilip jumys istep jatqan kezde oqýshynyń birinshi suranyp kirýin, óziniń famılııasyn durys atap, kirgennen keıin qajetti "esigin" jaýyp, aqparatty syrtqa shyǵarmaý ne bolmasa bógde aralaspaý úshin osyndaı qaýipsizdik sharalardy jasaý úshin áli de muǵalimderdi shaqyramyz, dedi vıse-mınıstr. 

Sondaı-aq vıse-mınıstr bas sanıtar dárigerdiń sheshimimen ǵana mektepter ashylatynyn aıtty.

– Qashyqtan oqytýdyń ózi búgingi kúni sanıtarlyq-epıdomologııalyq jaǵdaıǵa baılanysty ekenin taǵy bir atap ótkim keledi. Bul árnede sanıtarlyq-epıdomologııalyq jaǵdaı eskerilip, jaqsarǵannan saıyn bas sanıtarlyq dárigerdiń sheshimi boıynsha mektepterdi shtattyq rejıge jumys isteýge qaıtarý boıynsha jumystar júrgiziletin bolady. Bul boıynsha mınıstrliktiń birneshe usynymy bar. Bul ustanymdarymyzdy mınıstrlikke usyndy. Osyny sheshý boıynsha jumystarymyzdy jalǵastyryp jatyrmyz, – dedi ol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir