09 Qyrkúıek, 2020 Ekonomıka
qamshy.kz
Pandemııa týdyrǵan ekonomıkalyq daǵdarys saldarynan Qazaqstannyń jalpy ishki ónimi birinshi jartyjyldyqta 1,8%-ǵa tómendedi. Degenmen keı salalarda turaqty ósim baıqalýda. Mysaly, kólik salasy 14,6%-ǵa, saýda 10,6%-ǵa quldyraǵanymen, aýyl sharýashylyǵy 2,4%-ǵa ósti.
Memlekettik damý ınstıtýttary, onyń ishinde «QazAgro» aýyl sharýashylyǵynyń turaqtylyǵyn saqtaýda mańyzdy ról atqarady. Agroónerkásip keshenin nesıeleýdegi holdıngtiń úlesi, 2019 jyldyq esebine sáıkes, sońǵy eki jylda 83% mólsherlik deńgeıde qaldy.
«QazAgro» tobyndaǵy kompanııalar fermerler men aýylsharýashylyq ónimderin qaıta óńdeý kásiporyndaryna turaqty qarjylandyrýda. Mysaly, 2020 jyldyń alty aıynda «Agrarlyq nesıe korporasııasy» 148,4 mlrd.teńgege 4913 fermerdi qarjylandyrdy.
Agroónerkásiptiń ártúrli salalaryndaǵy kompanııalar qoldaý men damytýǵa qarajat alýda. Máselen, korporasııa qazirdiń ózinde jalpy qýattylyǵy 101,7 myń tonnalyq 29 sút fermasynda jyldyq óndiristi qarjylandyrdy. 2019 jyly jeńildetilgen nesıe alǵan osyndaı sharýashylyqtar úlesi Qazaqstandaǵy barlyq sút óndirýdiń shamamen 25%-yn qurady. Qarajat sútti baǵyttaǵy asyl tuqymdy mal, jańa aýylsharýashylyq tehnıkasy men sút fermalaryna arnalǵan jabdyqtar satyp alýǵa bólinýde.
О́ndiris qýatyn arttyrý úshin korporasııaǵa júgingen sharýa qojalyqtarynyń biri – Aqmola oblysynyń Kamyshenka aýyldaǵy «Kamyshenka» JShS. Nur-Sultan qalasynan 90 shaqyrym jerde ornalasqan sút fermasynyń bas dırektory Dúısembaı Ildebaev barlyq ónim elorda naryǵynyń suranysyn qanaǵattandyrýǵa ketetinin aıtady.
Qazir óndiris qýaty jylyna 70 myń lıtr. Ýkraınadan 400 bas golshteın sıyryn satyp alýdyń arqasynda óndiris kólemi eki-úsh ese ósedi. Golshteın – sútti baǵyttaǵy eń jaqsy sıyr tuqymdardyń biri.
Fermaǵa qazirdiń ózinde 220 bas iri qara keldi, taǵy 180-i jolda. Sıyrlar kelgennen keıin karantınde 30 kún ustalyp, túrli aýrýlardyń bolýyna tekserý júrgiziledi.
Fermer «Agrarlyq nesıe korporasııasy» mal satyp alýdy ǵana emes, ony ustap turý úshin eki ferma qurylysyn qarjylandyrǵanyn atap ótti. Jaqyn arada olardyń qurylysy aıaqtalady.
Dúısembaı Ildebaev nesıe alý úshin korporasııany tańdaýyn onyń jumys erekshelikterimen túsindirdi – «ANK» mamandary aýyl sharýashylyǵyn jaqsy biledi.
Sharýashylyqty keńeıtý jobasy 2020 jyldyń tamyzynda qarjylandyryldy. Qaryz alýshyǵa qazirdiń ózinde 505 mıllıon teńge bólindi, dep málimdedi «Agrarlyq nesıe korporasııasy» Nur-Sultan qalalyq fılıalynyń dırektory Áset Kýshkýnbaev.
Sharýa qojalyǵynyń jalpy nesıelik jelisi 2 mlrd teńgeni quraıdy. Nesıe merzimi - jeńildik kezeńimen 10 jyl. Syıaqy mólsheri 6%-dy quraıdy, bul fermerler úshin qolaıly, dep atap ótti korporasııa ókili.
Aıta keterligi, bul korporasııanyń Nur-Sultan qalalyq fılıaly qarjylandyrǵan Aqmola oblysyndaǵy ekinshi ferma. Taǵy bireýi Aqkól aýdanynda ornalasqan. Onda 200 bas iri qara mal satyp alyndy. Fermany iske qosý 2020 jylǵa josparlanǵan.
«Kamyshenka» JShS-de jumys jasaıtyn 150 qyzmetkerdiń barlyǵy jergilikti mamandar. Kompanııa jumys isteýge aýylǵa kóshýge daıyn adamdarǵa baspana satyp alýǵa kómektesý arqyly qoldaý kórsetýge de daıyn. Sharýashylyqtyń keńeıýi onyń damýyna tyń serpin beredi. Sonymen birge aýyl halqyn jumyspen, qala turǵyndaryn sapaly otandyq ónimmen qamtamasyz etedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir