09 Qyrkúıek, 2020 Barlyq aımaqtar

«Aýyl» partııasy «Birlik» partııasymen birigýden bas tartty

2020 jyldyń 09 qyrkúıeginde Nur – Sultan qalasynda «Aýyl» Halyqtyq – demokratııalyq patrıottyq partııasynyń kezekten tys XVII Sezi ótti. Kún tártibinde sezd delegattary «Birlik» partııasynyń «Aýyl» Halyqtyq – demokratııalyq patrıottyq partııasyna qosylý týraly usynysyn qarastyrdy.

foto: «Aýyl» partııasynyń baspasóz qyzmeti

«Aýyl» partııasynyń tóraǵasy Álı Bektaevtyń sózinshe «Birlik» partııasynyń bul usynysy bıylǵy jyly kelip túsken. Usynys kelip túskennen keıin «Aýyl» partııasynyń Saıası keńes Prezıdıýmynyń sheshimimen  «Birlik» partııasynyń qyzmeti men baǵdarlamalyq qujattaryn zerdeleý boıynsha jumys toby qurylǵan.

      Jumys tobynyń jetekshisi Seıtjanov Q.Q. sezd delegattaryn jumys tobynyń qortyndy esebimen tanystyrdy. Jumys tobynyń jetekshisi «Birlik» partııasynyń elimizdiń  saıası – qoǵamdyq ómirine aralasý belsendiliginiń tómen ekendigin aıta kele,  partııanyń qurylymdyq bólimshelerindegi jumystarda turaqtylyq pen birizdilik joq ekenin atap ótti. Sondaı-aq ol jumys tobynyń «Birlik» partııasynyń jarǵysy men baǵdarlamasyna jyldar boıy ózgerister engizilmegendikten ondaǵy kóptegen máseleler zamanaýı saıası jaǵdaıatta óziniń ózektiligin joıǵan» degen pikirin sezd delegattaryna jetkizdi. Seıtjanov Q.Q. óz sózin « «Birlik» partııasynyń qosylýy «Aýyl» partııasyna eshqandaı da saıası bedel ápermeıdi» dep túıindedi. qamshy.kz

Jumys tobynyń esebinen keıin Akberdıev F.A., Sadyrbaev A.J. jáne Orazbaev Ǵ.J. sııaqty sezd delegattary jaryssózge shyǵyp, óz pikirlerin bildirdi. Daýysqa salý barysynda delegattardyń basym bóligi jumys tobynyń  qortyndysyn qoldap, «Birlik» saıası partııasynyń «Aýyl» Halyqtyq – demokratııalyq patrıottyq partııasyna qosylý týraly usynysyna qarsy daýys berdi. qamshy.kz

Sonymen qatar, «Aýyl» partııasynyń kezekten tys sezinde ««Aýyl» Halyqtyq – demokratııalyq patrıottyq partııasynyń Saıası keńes Prezıdıýmynyń quramyna ózgerister engizý týraly» másele qarastyryldy. Sezd delegattarynyń biraýyzdan qoldaýymen   eńbek jáne áleýmettik qorǵaý eks vıse- mınıstri Jakýpova Svetlana Qabykenqyzy, e.ǵ.d., «Atameken» Ulttyq kásipkerler palatasy basqarma tóraǵasynyń keńesshisi Erbol Eseneev, «Shopan-ata» Ulttyq qoı ósirýshiler qaýymdastyǵynyń tóraǵasy Almazbek Sadyrbaev jáne «Aýyl» HDPP jastar qanatynyń ókili Áıgerim Kókeeva Partııanyń Saıası keńes Prezıdıýmynyń quramyna endi.

Sezd jumysynan keıin Saıası keńestiń sheshimimen Qaırat Aıtýǵanov jáne Svetlana «Jakýpova «Aýyl» Halyqtyq – demokratııalyq patrıottyq partııasy tóraǵasynyń orynbasary bolyp saılandy.

 

«Aýyl» Halyqtyq – demokratııalyq

patrıottyq partııasynyń 

baspasóz qyzmeti 

Ilmek sózder: Aýyl partııa Birlik

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir