Tarbaǵataı aýdanyndaǵy aýrýhana Covid-19 ekinshi tolqynyna daıyndyq júrgizilip jatyr

Tarbaǵataı aýdanyna jumys sapary barysynda aýrýhananyń ekinshi tolqynǵa daıyndyq barysyn Shyǵys Qazaqstan oblysynyń ákimi jeke tekserdi.

«Kúzde koronavırýstyń ekinshi tolqyny bola ma, joq pa dep kútip otyrýdyń qajeti joq. Eń bastysy, qandaı jaǵdaıda da daıyn bolýymyz kerek», - degen ShQO ákimi Danıal Ahmetovtiń tapsyrmasyn oryndaý maqsatynda Tarbaǵataı aýdandyq aýrýhanasynyń qyzmetkerleri tynbaı eńbek etýde.

Búginde aýrýhananyń qorynda 29 ottegi konsentratory, 4 ókpeni jasandy jeldetý apparaty bar. Ottegi stansııasyn ornalastyrý josparlanyp otyr. Barlyq medısına qyzmetkerinde koronavırýstyń yqtımal jańa tolqynynda syrqatpen túsetin naýqastardy emdeý kartasy men algorıtmi bar. Vırýstyń qalaı tez taralatynyn mundaǵylar jaqsy biledi. Bir adamnyń PSR-testti tapsyrmaı, taksımen kelýi aýdandaǵy 100-den astam adamnyń Covid-19 juqtyrýyna sebep boldy. О́kinishke qaraı, mundaı jaǵdaıdyń aldyn alý múmkin emes. Biraq erte bastan qam jasap, daıyndalýǵa bolady.