08 Qyrkúıek, 2020 NEWS

Reıters: Qytaı men Úndistan armııasy atysyp jatyr

AP

Reıters agenttigi Qytaı men Úndistan áskerleri shekarada atysqanyn habarlady. Agenttik aqparatynda eki el bir-birin daýly shekarada "oq atty" dep aıyptap jatqany aıtylady. Beıjiń Nıý-Delıdi "áskerı arandatýshylyq jasady" dep aıyptasa, Úndistan óz sarbazdarynyń daýly shekaradan ótkenin joqqa shyǵardy.

Iаdrolyq qarýlarǵa ıe, eki azııalyq qarsylas arasyndaǵy áskerı shıelenis tipti de kúsheıdi. Daýly Gımalaı shekarasyna eki el bir-birin "oq atty" dep aıyptady.

15 maýsymda Ladah aımaǵyndaǵy 20 úndi áskeri qaza tapqan qaqtyǵystan keıin  eki el arasyndaǵy qarym-qatynas nasharlaı tústi.

Beıjińniń qorǵanys mınıstrligi Úndistandy "áskerı arandatýshylyq jasady" dep aıyptap, "úndi sarbazdary shekaralas aımaqtaǵy naqty baqylaý syzyǵyn kesip ótip, Qytaıdyń shekara qorǵanys patrýldik polısııasynyń ofıserlerine qaýip tóndirip oq jaýdyrdy" dep málimdedi.

Nıý-Delı tez arada óz esebin berip, "kelisimderdi óreskel buzdy" jáne úndilik qarsylastaryn qorqytý úshin "birneshe ret aspanǵa oq atty" dep qytaılyq shekara kúshterin aıyptady.

– Qytaı armııasy kelisimderdi óreskel buzdy jáne agressıvti manevrler jasady. Aýyr arandatýshylyqqa qaramastan (bizdiń) áskerlerimiz ustamdylyq tanytyp, ózderin jetilgen ári jaýapty (jasaq retinde) ustady, – delingen Úndistan armııasynyń habarlamasynda.

Ilmek sózder: Qytaı Úndistan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir