Dýlat Aǵadildiń asyna barǵandarǵa qandaı aıyp taǵyldy?

Qazaqstan Respýblıkasy bas prokýrorynyń orynbasary Marat Muratuly Dýlat Aǵadildiń asyna barǵandardy qandaı aıyppen aıyptalyp jatqanyn túsindirdi. Bul týraly ol ortalyq kommýnıkasııalar qyzmetiniń alańynda ótken konferensııada aıtty.

– Dýlat Aǵadildiń eske alý asyna barǵan qoǵam belsendileri onda barǵany úshin aıyptalyp jatqan joq. Olar karantın ýaqytynda alańǵa shyǵyp ruqsatsyz mıtıng jasaǵany úshin qylmystyq jaýapkershilikke tartylyp jatyr. Men naqty qansha adamnyń qylmystyq jaýapkershilikke tartylǵanyn aıta almaımyn. Biraq ákimshilik jaýapkershilikke tartylǵan azamattar bar, – dedi Marat Muratuly.

Eske sala keteıik, 16 tamyzdan bastap Almaty qalasynyń bir top belsendileri Masanchı – Qarasaı batyr kósheleriniń qıylysynda ornalasqan IID aldynda tur. Olardyń aıtýynsha, Dýlat Aǵadildiń asyna barǵandardy polısııa ókilderi ustap, bólimshege alyp kelgen. Úılerinde tintý jumystaryn jasap, noýtbýk, fleshka sekildi aqparat kózi saqtalǵan dúnıelerdi alǵan. Narazylyq bildirip jınalǵan toptyń basty talaby – qamaýǵa alynǵan azamattardyń bostandyǵyn surap kelgen.