"Abaı joly" jobasynyń besinshi taraýy jaryq kórdi

Massaget.kz portaly “Abaı joly” vıdeosammarıiniń besinshi taraýyn jarııalady.

Bul taraýda Yrǵyzbaı (Qunanbaı) men Jigitek (Bójeı) rýlary arasyndaǵy qyrǵı qabaq qarym-qatynas sıpattalǵan. Qunanbaı men Bójeı aýyldarynyń arazdyǵy úlken qaqtyǵysqa deıin baryp, Qunanbaıdyń ústinen aryz jazylady. Bul oqıǵanyń bárin Abaı tabıǵaty qabyldaı almady. Alaıda Jigitek rýynyń qyzy Toǵjanǵa degen mahabbaty onyń kóńiline medeý boldy.

Eske salaıyq, Massaget.kz portaly Abaı Qunanbaıulynyń 175 jyldyǵyna oraı Muhtar Áýezovtiń "Abaı joly" roman-epopeıasynyń qysqasha mazmunyna doodle anımasııaly vıdeosammarı jarııalaı bastady.

Vıdeosammarı – kitaptyń negizgi ıdeıasyn, mazmunyn vıdeo túrinde usyný. Shyǵarmadaǵy 28 taraý jeke vıdeo bolyp ár dúısenbi saıyn Massaget TV YouTube-arnasynda jarııalanady.

Qazir arnada epopeıadaǵy “Qaıtqanda", "Qat-qabatta", "Jolda", "Shytyrmanda" jáne "Bel-beleste" taraýlary bar.

Vıdeojoba QR Aqparat jáne qoǵamdyq damý mınıstrliginiń qoldaýymen jaryq kórip otyr.