08 Qyrkúıek, 2020 NEWS

Almatyda santehnık bir otbasyn pyshaqtap tastady

Foto: Vıdeodan skrınshot

Almatyda santehnık bir otbasyn pyshaqtap tastaǵan. Kórshilerdiń aıtýynsha, qylmysqa aqsha sebep bolýy múmkin. Resmı oryndar qazirgi ýaqytta tergeý bastalǵanyn habarlady.

Jantúrshigerlik oqıǵa eki qabatty úıde bolǵan. Kýágerlerdiń aıtýynsha, santehnık azamat sol kúni páterge jóndeý jumystaryn jasaýǵa kelgen. Artynsha úı ıelerimen sózge kelip qalǵan. 

Oqıǵa kýágeri Oksana Feller, qandy oqıǵany kózimen kórgen. Onyń aıtýynsha, páterde anasy men onyń 32 jastaǵy qyzy bolǵan.

– Marqum Inna santehnık azamatty ǵalamtor arqyly tapty. Bir kún buryn shaqyryp, aldyn-ala 250 myń teńge bergen. Negizi aralarynda aqshaǵa bola urys boldy degenmen kelispeımin. Kerisinshe qaskóı bulardan aqsha urlamaq bolǵan. Sondyqtan bárin pyshaqtap tastaǵan. Qylmysker 32 jastaǵy qyzyna pyshaq salǵanda kómekke umtylǵan anasy men kórshisi de jaraqat alǵan, – kýáger Oksana Feller.

Qyzyn qutqarmaq bolǵan anasynyń da jaǵdaıyn dárigerler tym aýyr dep otyr. 35 jastaǵy kórshisi de aýrýhanada jatyr.   

– Júrektiń sol jaq qarynshasynyń jaraqatymen, sol jaq keýde qýysynyń pyshaqpen kesilgen birneshe jaraqattary, sol jaq ókpeniń tómengi bóligiń jarasy, moıyn tamyry men shaptyń pyshaqpen jaraqqattanýy. Naýqas reanımasııalyq bólme jaǵdaıynda em alýda. Jalpy jaǵdaıy aýyr, – deıdi , Almaty qalalyq qoǵamdyq densaýlyq basqarmasynyń baspasóz qyzmetiniń mamany Aqsholpan Júsipova.

Qalalyq polısııa departamenti, kúdiktiniń buryn sottalǵanyn aıtty. Tergeý kezinde ol óz kinásin tolyq moıyndaǵan.

– Qazirgi tańda Qylmystyq kodekstiń 99 babynyń 2 tarmaǵy boıynsha qylmystyq is qozǵaldy. Azamat qamaýǵa alyndy. Pyshaq boıynsha arnaıy saraptama taǵaıyndaldy. Buryn bul azamat isti bolǵan múliktik qylmystar jasaǵany úshin. Qazir kúdikti azamatqa "adam óltirý"  baby boıynsha tergeý júrip jatyr. Al máıit pen  jaraqat alǵan jandarǵa sot medısınalyq saraptamasy taǵaıyndalǵan, – dedi qalalyq polısııa departamentiniń resmı ókili Saltanat Ázirbek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir