Toqaev Nazarbaevtyń 20 jyl buryn qol qoıǵan Jarlyǵyna ózgeris engizdi

Prezıdent Qasym-Jomart Toqaev eks-prezıdent Nursultan Nazarbaevtyń 2000 jyly 3 sáýirde qol qoıǵan mádenıet salasynda memlekettik stıpendııa taǵaıyndaý týraly Jarlyǵyna ózgeris engizdi. Bul týraly Aqordanyń saıty  habarlady. Jarlyq mátininiń tolyq nusqasy tómende usynylyp otyr.

"Qazaqstan Respýblıkasynyń Tuńǵysh Prezıdenti – Elbasynyń mádenıet salasyndaǵy memlekettik stıpendııasyn taǵaıyndaý týraly" Qazaqstan Respýblıkasy Prezıdentiniń 2000 jylǵy 3 sáýirdegi № 369 Jarlyǵyna ózgeris engizý týraly"

QAÝLY ETEMIN:

1. «Qazaqstan Respýblıkasynyń Tuńǵysh Prezıdenti – Elbasynyń mádenıet salasyndaǵy memlekettik stıpendııasyn taǵaıyndaý týraly» Qazaqstan Respýblıkasy Prezıdentiniń 2000 jylǵy 3 sáýirdegi № 369 Jarlyǵyna (Qazaqstan Respýblıkasynyń PÚAJ-y, 2000 j., № 18, 185-qujat) mynadaı ózgeris engizilsin:

1-tarmaq mynadaı redaksııada jazylsyn:

«1. Qazaqstan Respýblıkasynyń Tuńǵysh Prezıdenti – Elbasynyń mádenıet salasyndaǵy jyl saıynǵy 75 memlekettik stıpendııasy aıyna 55 eselengen aılyq eseptik kórsetkish mólsherinde taǵaıyndalsyn.».

Osy Jarlyq qol qoıylǵan kúninen bastap qoldanysqa engiziledi.