Saǵyntaev almatylyqtardy Konstıtýsııa kúnimen quttyqtady

Almaty qalasynyń ákimi Baqytjan Saǵyntaev almatylyqtardy Konstıtýsııa kúnimen quttyqtady. 

"Qurmetti almatylyqtar! Sizderdi Ata Zań kúnimen quttyqtaımyn! Ata Zańda bekitilgen qaǵıdattar men normalardyń turaqtylyǵy — bul azamattardyń, búkil halqymyzdyń múddesi úshin qazaqstandyq memlekettilikti nyǵaıtýdyń irgetasy", - dedi Baqytjan Saǵyntaev.

Ol árbir qazaqstandyq el bolashaǵy úshin, el múddesi úshin jumys istep jatqanyn aıtty. 

"Tek myqty ári derbes memleket qana óz azamattarynyń quqyqtary men bostandyqtaryn qorǵap, elimizdiń, sonyń ishinde qalamyzdyń tabysty damýyn qamtamasyz etýge qabiletti bolmaq. Biz bárimiz bolashaǵymyz úshin, el múddesi úshin jumys istep jatyrmyz! Árqashanda jaqsylyq bolsyn", - dedi ákim.