29 Tamyz, 2020 NEWS

QR Konstıtýsııasyna – 25 jyl: Almatyda 25 túp alma aǵashy otyrǵyzyldy

Ashyq derekkóz

Ata zańymyzdyń 25 jyldyq mereıtoıyna oraı, Almatynyń Almaly aýdanynda 25 túp alma aǵashy otyrǵyzyldy.

Jas Otandyqtar eriktilermen birlesip aksııa ótkizdi, shara barysynda Almaly aýdanynyń jastar skeıtparki aýmaǵynda 25 alma kóshetin otyrǵyzdy.

«Osy aksııa arqyly biz jastardy qoǵamdyq tártipti saqtaýǵa, patrıottyq sezimderin qalyptastyrýǵa, týǵan jer men tabıǵatqa janashyrlyqpen qaraýǵa shaqyramyz. Osyndaı is-sharalar árbir adamdy óz ortasyn taza ustaýǵa jáne týǵan jerge súıispenshilikpen qaraýǵa úıretse deımiz», - deıdi «Jas Otan» jastar qanaty Almaty qalalyq fılıalynyń tóraǵasy Mádı Ahmetov

О́z kezeginde qala turǵyndary da Jas Otandyqtarǵa alǵystaryn bildirdi.

«Mundaı aksııanyń ótkizilgeni óte jaqsy. Ýaqyt óte kele aǵashtar jemis berip, ádemi bola túsedi. Mundaı aksııalardy jıi ótkizý qajet, bul qalanyń estetıkalyq sapasyn jaqsartady, sondaı-aq almatylyqtardy jaıaý serýendeýge shaqyratyn bir sebep», - dep atap ótti qala turǵyny Jandos Talıpov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir