QR Premer-mınıstri jumys sapary barysynda taıaý kúnderi halyqaralyq standarttarǵa sáıkes jabdyqtalatyn jeńil atletıka manejine baryp qaıtty.

Olga Rypakova atyndaǵy jeńil atletıka manejinde jaqynda qosymsha korpýs salynady. Onda sportshylarǵa jarystarǵa daıyndalý úshin barlyq jaǵdaı jasalady. 

Jattyǵý jasaıtyn zona aımaq basshysy Danıal Ahmetovtiń tapsyrmasymen salynýda. Aıta keteıik, oblys ákimi únemi Shyǵys Qazaqstan oblysyndaǵy ǵana emes, elimizdegi jeńil atletıka salasynyń damýyna qoldaý bildirýde.

Premer mınıstr atalmysh zonanyń prezentasııasymen tanysty. Zonada 8 jolaq bolady. Munda qys mezgilinde de 100 metrge deıingi qashyqtyqqa júgirý boıynsha daıyndalýǵa jaǵdaı jasalmaq. Budan bólek, uzyndyqqa jáne bıiktikke sekirý, sondaı-aq laqtyrý sporty boıynsha ázirlenýge arnalǵan sektorlar qarastyrylǵan. Olımpıada chempıony Olga Rypakovanyń aıtýynsha, О́skemendegi jeńil atlektıka manejine bas suqqan Eýropadan kelgen jattyqtyrýshy-keńesshi mundaı nysannyń birde bir analogy joq ekenin aıtqan. 

Kóp jaǵdaıda jarys kezinde manejderdi qurady. Al keıinnen saıys bitken soń jınap tastaıdy. Bizdiń jaǵdaıda, jańa korpýstyń manejinde taǵy bir qosymsha jattyǵý zaly men medısına mamandaryna arnalǵan kabınetter bar. Bul sportshylardyń munda jattyǵyp qana qoımaı, ońaltýdan ótýge múmkindikteri de bar ekenin bildiredi.

Budan bólek, manejde arnaıy laqtyrý alańy ashylady dep kútilýde. Qazirgi ýaqytta bul Qazaqstandaǵy jarys ótkizetin jáne jattyǵý jasaýǵa arnalǵan, sondaı-aq stasıonarlyq kómek beretin jalǵyz mekeme. Taıaý shetelderden mundaı halyqaralyq standarttarǵa sáıkes tolyq jabdyqtalǵan sporttyq keshendi tabý múmkin emes.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir