Júzden astam jas muǵalimder «Almaty jastary 3.0» baǵdarlamasy boıynsha úı aldy

Almatynyń bilim salasy qyzmetkerleriniń «Almatynyń bilim bolashaǵy: jańa jaǵdaıdaǵy perspektıvalyq sheshimder» forýmynda sóılegen sózinde B. Saǵyntaev qala muǵalimderine qoldaý kórsetý sharalary týraly aıtty.

Qala ákimdigi pedagogtarǵa qoldaý kórsetý jumystaryn jalǵastyrýda. О́tken jyly Almaty ákiminiń tapsyrmasy boıynsha muǵalimder arasynda «Úzdik ustaz» jańa baıqaýy júzege asty. Sonymen qatar 10 úzdik pedagogqa granttyq qoldaý kórsetý baǵdarlamasy qolǵa alyndy. Bul sharalardyń qorytyndysy Muǵalim kúni qarsańynda shyǵatyn bolady.

«Bulardan ózge, jas mamandardy, onyń ishinde muǵalimderdi turǵyn úımen qamtamasysz etý maqsatynda jeńildetilgen nesıe berýdiń "Almaty jastary 3.0" qalalyq baǵdarlamasy qabyldandy. Osy baǵdarlama boıynsha qazirdiń ózinde 119 jas muǵalim nesıe alatyn boldy», — dep habarlady B. Saǵyntaev.

Almaty mektepterinde qyzmetterin bastaǵan jas muǵalimderge birrettik tólem berý isi odan ári jalǵasýda.

Forým aıasynda birqatar muǵalimder memlekettik nagradalarmen, Qurmet gramotalarymen, onyń ishinde «Y. Altynsarın», «Bilim berý isiniń qurmetti qyzmetkeri», «Eńbegi úshin» tósbelgilerimen marapattaldy. Almatydaǵy №178 lıseı orta arnaıy bilim berýdiń úzdik mekemesi atandy.

Forýmda jańa jaǵdaıda oqý prosessterin uıymdastyrý máselesi talqylanýda. Onyń ishinde kezekshi toptarda sanıtarlyq qaýipsizdikti qamtamasyz etý, qashyqtan oqýdy uıymdastyrý, pedagogtardy jáne muqtaj oqýshylardy kompıýterlik tehnıkamen, ınternetpen qamtamasyz etý. Sonymen qatar, bala baqshalar men mektepterde orynmen qamtamasyz etýdiń ózekti máselesi talqylanýda.