Almatyda 23 myńnan astam adam turaqty jumysmen qamtyldy

Almatyda 23 myńnan astam adam turaqty jumysmen qamtyldy. Bul týraly О́ńirlik kommýnıkasııalar qyzmeti alańynda ótken onlaın brıfıng barysynda, Almaty áleýmettik ál-aýqat Basqarmasy basshysynyń orynbasary Danııar Álkebaıuly aıtty.

D.Álkebaıulynyń aıtýynsha, búgingi tańda tótenshe jaǵdaı kezdegimen salystyrǵanda, megapolıstegi eńbek naryǵyndaǵy jaǵdaı turaqty.

«Jyl basynan beri qalada 23 myńnan astam adam turaqty jumysmen qamtyldy. Jumysqa ornalasqan azamattardyń negizgi 70%-y TJ rejımi bitken kezden, ıaǵnı osy jyldyń 11 mamyrynan bastap ornalasqan», — dedi D. Álkebaıuly.

Jumysqa ornalasqysy keletinder halyqty jumyspen qamtý ortalyqtaryna júgine alady.

«Jumyssyz qalǵan, jumys tapqysy keletin adamdar jumyspen qamtý ortalyǵyna nemese enbek.kz portalyna júgine alady. Bos oryndar bar», — dedi ol.

Qala turǵyndaryna yńǵaıly bolý úshin jumyspen qamtý ortalyǵynyń mamandary 6 aýdanda turǵyndardy qabyldaıdy:
- Naýryzbaı aýdanynyń turǵyndary úshin-Naýryzbaı aýdany ákimi apparatynyń ǵımaratynda, Meken-jaıy: sh. a. Shuǵyla, 347 úı, 2 qabat, 212 kabınet;
- Áýezov aýdanynyń turǵyndary úshin-Áýezov aýdany ákimi apparatynyń ǵımaratynda, mekenjaıy: Altynsarın dańǵyly, 23, 1-qabat, 103 kabınet;
- Alataý aýdanynyń turǵyndary úshin-Almaty Arena ǵımaratynda, Nurkent yqshamaýdany, blok 24 «Qolday kásipkerlik ortalyǵy»;
- Bostandyq aýdanynyń turǵyndary úshin-Bostandyq aýdany ákimi apparatynyń ǵımaratynda, Aımanov kóshesi, 191, 2 qabat, 216 kabınet;
- Jetisý aýdanynyń turǵyndary úshin-Jetisý aýdanynyń HQKO, mekenjaıy: Qulager yqshamaýdany, Serikov k-si, 6a;
- Túrksib aýdanynyń turǵyndary úshin – Túrksib aýdany ákimi apparatynyń ǵımaratynda, mekenjaıy: Sholohov kóshesi, 9, 1 qabat, 108 kabınet;

Esterińizge sala keteıik, Almaty qalasynyń ákimshiligi halyqty jumyspen qamtý máselesine erekshe kóńil bóledi. Buǵan deıin qala ákimi Baqytjan Saǵyntaev habarlaǵandaı, bıyl 56 myń jumys orny ashylady dep kútilýde. Onyń ishinde 26 myńy — «Jumyspen qamtý jol kartasy» baǵdarlamasy boıynsha, jol jóndeý, kógaldandyrý jáne taǵy basqa jumystarǵa tıesili.