16 Tamyz, 2020 NEWS

Almatyda 2020 jyldyń 17 tamyzynan bastap qandaı nysandardan shekteý sharalary alynady

Foto: Ashyq derekkóz

QR Premer-Mınıstri Asqar Mamınniń tóraǵalyǵymen ótken Memlekettik komıssııa otyrysynyń qorytyndysy boıynsha, jáne epıdemıologııalyq jaǵdaıǵa qaraı, Almatyda karantın sharalaryn kezeńimen alýdyń jospary ázirlengen.

Osylaısha, 2020 jyldyń 17 tamyzynan bastap (demalys kúnderinen basqa): SOSO, saýda úılerin (býtıkter), saýda jelileri, aýmaǵy 500 sharshy metrden asatyn dúkender, jabyq tıptegi azyq-túliktik jáne azyq-túliktik emes bazarlar (kelýshiler 30% aspaýy tıis,1 kelýshi úshin 4 sharshy metr); balalarǵa arnalǵan túzetý kabınetteri, balalarǵa jáne eresekterge arnalǵan bilim berý ortalyqtary (toptar – 5 adamnan aspaýy kerek, aldyn ala jazylý boıynsha) kezeńimen iske qosý sheshimi qabyldandy.

Sonymen birge, qyzmet kórsetý salasynyń nysandary da (demalys kúnderinen qospaǵanda): sulýlyq salondary, shashtarazdar, kosmetologııalyq qyzmet túrlerin kórsetetin nysandar; SPA ortalyqtary (1 kelýshi úshin 4 sharshy metr, aldyn ala jazylý arqyly), fıtnes ortalyqtar (basseınsiz) (1 kelýshi úshin 5 sharshy metrge deıin, qýattylyǵy 50% aspaıtyndaı, aldyn ala jazylý arqyly), monshalar, saýnalar (basseınsiz) (kelýshiler 50%-dan aspaýy kerek, 1 kelýshige 4 sharshy metr), sondaı-aq, ashyq daladaǵy attraksıondar jumysqa qaıta oralady.

Qyzmetterin jańartý úshin kásipkerlerge talap etiletin sanıtarlyq normalarmen tanysyp, infokazakhstan.kz saıtynda mindetti tirkeýden ótý qajet. Talaptarmen kelisken jaǵdaıda, nysannyń daıyndyǵyn jáne jazylǵan normalardy saqtaýǵa kepildik beretinin elektrondy sandyq qoltańba qoıý (ESQ) arqyly rastaý kerek.
Sonymen birge, aýmaǵy 2000 sharshy metrden asatyn iri saýda nysandaryn, sondaı-aq, jabyq tıptegi azyq-túliktik emes jáne azyq-túliktik bazarlardy ashý nysannyń daıyndyǵyn baǵalaýdan ótkennen keıin jáne sanıtarlyq normalarǵa saı ekendigin rastaıtyn aktti alǵannan keıin ruqsat etiledi. Nysannyń daıyndyǵyna baǵany Almaty q. boıynsha Taýarlar men qyzmetterdiń sapasy men qaýipsizdigin baqylaý Departamentiniń, Almaty q. Kásipkerlik jáne ınvestısııalar Basqarmasynyń, Almaty q. aýdan ákimdikteri jáne Almaty qalasynyń kásipkerler Palatasynyń ókilderinen qurylǵan jumys komıssııasy beredi.

Jańa talaptarǵa sáıkes, infokazakhstan.kz saıtynda aqparattandyrý berý buǵan deıin ruqsat etilgen bıznes nysandaryna da qatysty taralady.

Saıtta ótinish 2020 jyldyń 15 tamyzynan bastap qabyldanady.
Qoǵamdyq tamaqtaný nysandarynyń qyzmetine (meıramhanalar, dámhanalar, ashanalar) tek ashyq dalada, otyratyn oryndar sany 50-dan aspaǵan bolsa, ujymdyq sharalardy ótkizbeý arqyly ruqsat etilgen; tapsyrysty «syrtqa alyp shyǵý» jáne tamaqty jetkizip berýge ruqsat etilgen.

Sonymen birge, qalada aldyndaǵydaı: oıyn-saýyq sharalaryn, sporttyq, otbasylyq, eske alý, saltanatty jáne basqa da kópshilik sharalardy, sonymen birge úı jaǵdaıynda; konferensııalardy, kórmelerdi, forýmdardy; barlardyń, banket zaldarynyń, kóńil kóterý mekemeleriniń (karaoke, kalıan, bılıard oryndary, kompıýterlik klýbtar, býkmekerlik kontoralar, túngi klýbtar, boýlıng-ortalyqtar, attraksıondar, fýdkorttar, kınoteatrlar jáne eresekter men balalarǵa arnalǵan kóńil kóterý oryndary, babalardyń oıyn alańdary, batýttar jáne basqalary); mádenıet nysandary, murajaılar, dinı nysandar, sonymen birge, qalalyq jáne qoǵamdyq jaǵajaılardyń basseınderi, ashyq akvaparkterdiń jumysyna tyıym salynǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir