14 Tamyz, 2020 NEWS

Almatylyqtar úshin aqyly jastar tájirıbesi: 150-den astam túlek jumysqa ornalasty

almaty_akimat

Almaty qalasynyń ákimi Baqytjan Saǵyntaevtyń tapsyrmasy boıynsha megapolıste Jastar Resýrstyq Ortalyqtary men halyqty Jumyspen Qamtý ortalyǵy belsendi jumys isteıdi.

Ortalyqtardyń basty mindeti – jumys tájirıbesi joq (29 jastan aspaǵan) joǵary oqý oryndarynyń túlekterin jumysqa ornalastyrýǵa járdemdesý. «Jastar praktıkasy baǵdarlamasyna» osy krıterıılerge sáıkes keletin jastar qatysa alady, bul mamandyq boıynsha odan ári jumysqa ornalasý múmkindigimen alǵashqy jumys tájirıbesin alýǵa, sondaı-aq eńbek naryǵynda básekege qabilettilikti arttyrýǵa múmkindik beredi.

Jastar tájirıbesiniń uzaqtyǵy – 6 aı. Bir aıdaǵy eńbekaqy 69 450 teńgeni quraıdy (salyqtardy, mindetti áleýmettik aýdarymdardy, paıdalanylmaǵan eńbek demalysy úshin ótemaqyny jáne banktik qyzmetterdi eskere otyryp). Eger jas maman ózin jaqsy kórsetse, jumys berýshige unasa, onda kompanııada odan ári resmı jumysqa ornalasý múmkin.

Jalpy, osy baǵdarlama aıasynda jastardy jumysqa ornalastyrý boıynsha eki kezeń iske asyryldy. Birinshi kezeń aıasynda qoǵamdyq negizde júrgizilgen aqparattyq-túsindirý jumystarynyń arqasynda 157 adam jumysqa ornalastyryldy.

Aǵymdaǵy jyldyń 12 tamyzynda «Jastar praktıkasy» baǵdarlamasy boıynsha aqparattyq-túsindirý jumystarynyń ekinshi kezeńi bastaldy. Búgingi kúni 2395 ótinish kelip tústi.

Búgingi tańda qalanyń jastar resýrstyq ortalyqtary (budan ári – JRO) aýdan jastarymen túsindirý jumystaryn júrgizýde.

Sondaı-aq, qalanyń jas turǵyndaryna yńǵaıly bolý úshin jumyspen qamtý ortalyǵynyń mamandary 8 aýdanda JRO-da halyqty qabyldaıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir