О́ńirlik kommýnıkasııalar qyzmetiniń alańyndaǵy onlaın brıfıng barysynda Almaty qalalyq mobıldilik Basqarma basshysynyń orynbasary Ernur Abjahan qalanyń jańadan qosylǵan ýchaskelerindegi jol ınfraqurylymy qurylysy boıynsha qala ákimi tapsyrmalarynyń oryndalý barysy týraly aıtty.

«Shetki aýmaqtar boıynsha 200 km joldyń negizgi bóligi – bul shamamen 50%-dan astamyna ortasha jóndeý júrigizildi. Ol Alataý, Naýryzbaı jáne Bostandyq aýdandary. Buryn qatty jabyndy bolmaǵan shaǵyn aýdandarda jobalyq-smetalyq qujattary ázirlenýde. Atalǵan JSQ júzege asyrylǵannan keıin shamamen 111 km jol paıda bolady», — dep atap ótti spıker.

9 aýdan boıynsha JSQ ázirleý aıaqtalyp kele jatqany atap ótildi.

Jalpy aǵymdaǵy jyly uzyndyǵy 47,4 km bolatyn Almaty qalasynyń 177 kóshesinde jańa joldar salynýda. Onyń ishinde uzyndyǵy 18,6 km bolatyn 112 kóshe boıynsha jol qurylysy aıaqtaldy. Jyl sońyna deıin uzyndyǵy 28,8 km bolatyn qalǵan 65 kósheniń jolyn salýdy aıaqtaý josparlanýda.

Jol ınfraqurylymynyń sapasyna qatysty suraqtar boıynsha qala turǵyndary 1308 nomeri boıynsha Open Almaty qoǵamdyq qabyldaýǵa júgine alady, bolmasa áleýmettik jelilerdegi Almaty qalasynyń qalalyq mobıldilik Basqarmasynyń akkaýnttaryna habarlasýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir