• USD 424.85

  • EUR 504.21

  • RUB 5.84

  • CNY 65.86

19 Qazan, 18:19:46
Almaty
+13°

Bilim jáne ǵylym mınıstri Ashat Aımaǵambetov áleýmettik jelidegi paraqshasynda bilim berý mekemelerinde qazaq tilin oqytýǵa qatysty aýqymdy ózgerister engizilip jatqanyn jetkizdi.

– Mınıstrlik bilim berý mekemelerinde qazaq tiliniń oqytylýyna qatysty birshama aýqymdy ózgerister jasalýda. Atap aıtqanda, endi balabaqshalarda aǵylshyn tili mindetti pán retinde oqytylmaıdy. Bala jastaıynan óz ana tilinde tárbıe alýy kerek. Osy tusta, Memleket basshysy Qasym-Jomart Kemeluly "Ana tili" gazetine bergen suhbatynda: "Mektepterdiń bastaýysh synyptarynda qazaq tiline basymdyq berilgeni durys" degen usynysy bizdiń jumysymyzda qoldanylady. Budan bólek, qazaq tiliniń baǵdarlamasy da ózgertilmek. Aldaǵy ýaqytta grammatıkany oqytýǵa bólinetin saǵat sany artady. Oqýshynyń durys jazýy men sóıleýi úshin, oıyn tııanaqty jáne saýatty jetkizýdegi grammatıkanyń orny erekshe. Bul tusta biz taǵy da Ahmet Baıtursynulynyń eńbekterine júginemiz, – dedi mınıstr.

Ol óz sózinde "Álippeni" memlettik standartqa engizilgenin jáne onyń baǵdarlamasy da daıyndalyp jatqanyn atap ótti.
 
– Oqýlyq daıyndalyp aprobasııaǵa kirip, keler oqý jylynan bastap biz birinshi synyptarǵa Ana tilimen birge qaıta engizemiz. Ol Ahmet Baıtursynuly usynǵan metodıka boıynsha daıyndalýda. О́ıtkeni qazaq fonetıkasyn jetik meńgergen ǵalym qazaq tilin úıretýdiń eń ońaı prınsıpin usyndy. Otandyq ǵalymdar men baspagerler qazir osy baǵytta jumys júrgizip jatyr. Jaqynda Álippeniń jobalyq nusqasyn qoǵammen birge talqylaımyz. Sonymen qatar mektepte qazaq ádebıetiniń oqytylýy qaıta qarastyrylady. Ádebıet páni aıasynda oqytylatyn shyǵarmalar oqýshynyń jas ereksheligine qaraı, janr, kezeń, sıýjettik jelisiniń alýandyǵy turǵysynan iriktelip, otandyq klassıkterdiń eńbekteri erekshe nazarǵa alynady, – deıdi ol.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir