• USD 468.56

  • EUR 497.56

  • RUB 7.3

  • CNY 67.18

28 Naýryz, 21:01:34
Almaty
+35°

Úkimet Qazaqstan azamattarynyń zeınetaqy jınaqtaryn merziminen buryn alý josparlaryn jarııalady. "Qamshy" tilshisi jańa engizilgen ózgeristerge sholý jasap shyqty.

Zeınetaqy jınaǵynyń bir bóligin kimder ala alady?

Eńbek mınıstri Birjan Nurymbetov birinshi kezekte jumys istegen, jumys istep júrgen azamattar, ıaǵnı biryńǵaı zeınetaqy qorynda jarnalary bar azamattardyń jınalǵan somasy jetkilikti sheginen asyp jatsa ala alady. Mundaı azamattar qatary 530 myńdy quraıdy.

Ekinshi, zeınet jasyna jetken adamdar olardyń jınaqtaýshy qorynda qarajaty bar bolsa, ol kisiler 50 paıyzǵa deıin ala alady. Mundaı kisilerdiń sany – 178 myńnan asady. Onyń ishinde quqyq qorǵaý organdarynyń zeınetkerlerine de taratylyp beriledi.

Úshinshi, zeınetaqylyq annýıtetti rásimdegen azamattar, ıaǵnı jınaqtaýshy qorynan saqtandyrý qoryna aýdarǵannan keıin qorda qarajattary qalǵan bolsa, olardy tolyǵymen alýǵa bolady. Mundaı azamattar sany – 13 300.

Zeınetaqy jınaqtarynyń "jetkilikti shegi" qandaı?

Zeınetaqy jınaqtarynyń jetkilikti shegi – zeınetaqy jınaǵyndaǵy eń az qajetti soma. Ol ár adamnyń jasyna sáıkes belgilenedi. Sondaı-aq, bul joly erler men áıelder úshin jas shamasy birdeı bolady. 

 

Jetkiliktilik sheginiń mólsheri

Atalǵan qarjylary bar azamattardyń qajetti aqshany alýǵa quqyǵy bar.

Ýaqytynan buryn alynǵan zeınetaqy jınaqtaryn qaıda jumsaýǵa bolady?

1) Baspana satyp alýǵa;

2) Qajetti em-domǵa;

3) Qarjy kompanııalarǵa basqarý úshin aýdarýǵa;

Mınıstr Nurymbetovtyń aıtýynsha, qarajatty turǵyn úı nemese jer ýchaskesin satyp alýǵa jumsaýǵa bolady. Sondaı-aq bastapqy, jańa úı emes, qaıtalama naryqtaǵy "ekinshi rettik" úıdi de satyp alýǵa múmkindigi bar. 

Aıta keteıik, bul qarjy arqyly ıpoteka qaryzyn da óteýge bolady.

Jınaǵynyń bir bóliginen satyp alynǵan úıdi tek 5 jyldan keıin ǵana satýǵa múmkindigi bolýy múmkin.

Jınaqtyń bir bóligin em-domǵa qalaı jumsaıdy?

Emdelýge aqy tóleý úshin densaýlyq saqtaý basqarmalary (oblystar, respýblıkalyq mańyzy bar qalalar) janynan arnaıy qurylǵan komıssııalarǵa júginedi. Komıssııa qorytyndysy shyqqannan keıin, klınıka tańdalyp, zeınetaqy jınaqtaryn maqsatty paıdalaný jónindegi ýákiletti operatorǵa ótishin jiberedi.

Jınaqtarynyń bir bóligin ózińizdiń, jubaıyńyzdyń nemese jaqyn týystardyń em-domynyń qarajatyn óteý úshin de paıdalanýǵa bolady.

Medısına kómegin zeınetaqy jınaǵynan tóleý erejesin densaýlyq saqtaý mınıstrligi belgileıdi.

Senimgerlik basqarýǵa berý qalaı júzege asady?

Qazaqstandyqtar zeınetaqynyń bir bóligin qarjy kompanııasynyń basqarýyna berý úshin paıdalana alady. Salymshy jeke qarjy kompanııasyn tańdaýdy biryńǵaı jınaqtaýshy zeınetaqy qoryna  ótinish berý arqyly júzege asyrady.

Negizgi qaǵıdalaryn qarjy naryǵyn retteý jáne damytý agenttigi aıqyndaıtyn bolady.

Azamattar jınaqtyń bir bóligin kimderge paıdalana alady?

Jınaǵynyń bir bóliginiń sheship alatyndar qarjyny tek ózine ǵana emes, jubaıy men jaqyn týystary úshin de paıdalana alady. Zań boıynsha, jaqyn týystaryna ata-ájesi, ata-anasy, balalary, nemereleri, baýyrlary, ıaǵnı ápke-sińlisi, qaryndasy, aǵa-inisi jatady. 

Aıta keteıik, zeınetaqy jınaǵynyń bir bóligin paıdalanýǵa 2021 jyldan bastap ruqsat etiledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir