"Oralman" termınin "qandas" bolyp ózgertýge buıryq shyqty

Qazaqstan Respýblıkasy Ishki ister mınıstri Erlan Turǵymbaevtyń buıryǵymen "oralman" termıni "qandas" bolyp ózgertildi. 

"Turaqty tirkeýi joq qandastar turaqty turýǵa ruqsatty alý jáne Qazaqstan Respýblıkasynyń azamattyǵyn jeńildetilgen tártippen alý úshin PD bastyǵynyń atyna jáne birýaqytta azamattyq máseleleri boıynsha sheshim qabyldaıtyn kelgen memlekettiń laýazymdy adamyna shetel azamattyǵynan bas tartqany týraly notarıaldy kýálandyrylǵan jazbasha ótinishhatpen (ótinishpen) júginedi" delingen buıryqta.

Buıryq 2021 jyldyń 1-shi qańtarynan bastap qoldanysqa engiziledi. 

Buıryqtyń tolyq mátinimen myna jerden tanysa alasyzdar.

Aıta keteıik, prezıdent Qasym-Jomart Toqaev "oralman" sózinen bas tartyp, "qandas" dep aıtýdy usynǵan.

– Men budan buryn da tarıhı otanyna kelgen qazaqtardy "oralman" dep ataýdan bas tartyp, "qandas" degenimiz jón bolady degen edim. Jeti atasyn biletin halyqqa "qandas" degen uǵym jarasady, – dedi Toqaev.