Shyǵys Qazaqstan oblysynda Nur Otan partııasynyń praımerızine kandıdattyqqa 1065 adam ótinish bildirdi. Onyń ishinde 18 kópbalaly ana bar. Bul týraly aımaqtyq kommýnıkasııalar qyzmetinde ótken brıfıng barysynda Nur Otan partııasynyń ShQO boıynsha fılıaly tóraǵasynyń birinshi orynbasary Oleg Chýgýnkov málim etti.
 
«Kandıdattyqqa usynýshylardyń 41% áıelder men 23,4% jastar ekenin aıta ketken oryndy. Sonyń ishinde Úrjar aýdany, Qabanbaı aýylyndaǵy aýrýhanada jalpy tájirıbelik dáriger bolyp jumys isteıtin kópbalaly ana bar», - dedi Oleg Chýgýnkov.
 
Tikeleı efır barysynda Oleg Chýgýnkov kandıdattyqqa usynýshylardyń arasynda eń jasy 18-de bolsa, eń úlkeni 73 jasta bolǵanyn atap ótti. Alaıda erejege sáıkes kámelettik jasqa endi tolǵan jasóspirim qabyldanbaǵan.
 
Aımaqtaǵy azamattardyń praımerızge degen qyzyǵýshylyǵy joǵary. Bul jerlesterimizdiń mańyzdy saıası sharaǵa beı-jaı qaramaıtynyn ańǵartady. Biz osy praımerız jumystaryna qatysyp jatqan azamattardy kelesi kezeńderde de belsendi bolýǵa shaqyramyz, - dedi Oleg Chýgýnkov.
14 qyrkúıek kúni jarys pikirsaıys uıymdastyrylady. Oǵan kandıdattar mindetti túrde qatysýy tıis. Tikeleı efırge qatysqan Nur Otan partııasynyń ShQO boıynsha fılıaly tóraǵasynyń birinshi orynbasary osylaı dedi.
 
Kandıdattarǵa basqa úmitkerlerge qarsy úgit-nasıhat jumystaryn júrgizýge tyıym salynady. Budan bólek kandıdattar jeke qarajattary esebinen úgit-nasıhat jumystaryn júrgize alady, - dedi Oleg Chýgýnkov.
 
Praımerızge qatysý erejeleri týraly tolyq aqparatty nurotan.kz jáne primaries.kz saıttarynan kórýge bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir