Prezıdent Qasym-Jomart Toqaev mınıstrlikterdegi jaýapty hatshylar ınstıtýtyn taratýdy tapsyrǵan bolatyn. Qazaqstan premer-mınıstriniń orynbasary Eraly Toǵjanov jaýapty hatshylardyń jalaqysy týraly úkimet úıinde ótken baspasóz máslıhatynda habarlady. 

"Jaýapty hatshylardyń ortasha jalaqysy búginde 685 myń teńgeden bastalyp, jumys ótiline qaraı 815-830 myń teńgege deıin jetedi. Olardy basqa mınıstrlikke nemese vedmostvoǵa jiberý – bul tikeleı birinshi basshynyń ókileti. Qasym-Jomart Kemeluly bul máselege qatysty naqty ustanymyn, birinshi kezekte jaýapkershilik máselesin aıqyndap berdi. Árbir mınıstrlikte jaýapkershilik mınıstrdiń ózine júktelýi tıis. Búginde jaýapty hatshy ınstıtýty 15 mınıstrlikte bar jáne apparat basshylarynyń qyzmettik mindeti "Memlekettik qyzmet týraly" zańda naqty jazylǵan", - dedi Eraly Toǵjanov.

 

"Qamshy" silteıdi
Ilmek sózder: jalaqy mınıtrlik

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir