Zeınetaqy qoryndaǵy jınaqtarynyń bóligin kimder paıdalana alatynyn  eńbek jáne halyqty áleýmettik qorǵaý mınıstri Birjan Nurymbetov prezıdent joldaýyn iske asyrý jónindegi sharalar týraly brıfıngte habarlady.

Mınıstr zeınetaqy jınaqtarynyń bir bóligin turǵyn úı jaǵdaıyn jaqsartýǵa, emdelýge jáne qarjy kompanııalaryna basqarý úshin aýdarýǵa beriletinin aıtty. Sondaı-aq jınaqtarynyń bir bóligin kimder qandaı jaǵdaıda ala alatynyn atap ótti.

–  Birinshiden, jumys istegen, jumys istep júrgen azamattar, ıaǵnı biryńǵaı zeınetaqy qorynda jarnalary bar azamattar. Eger de olardyń jınalǵan somasy jetkilikti sheginen asyp jatsa. Bul jerde negizgi qaǵıdat zeınetaqy qorynda jınalǵan aqshalarymyzdy bolashaq jınaqtaýshy zeınetaqy qorynan alatyn tólemderge arnalǵan. Prezıdent aıtpaqshy, maqsat – bárin taratyp berý emes. Bir bóligi qalýy tıis. Mundaı adamdar 530 myńdy quraıdy.

Ekinshiden, zeınet jasyna jetken adamdar olardyń jınaqtaýshy qorynda qarajaty bar bolsa, ol kisiler 50 paıyzyna deıin ala alady. Mundaı kisilerdiń sany 178 myńnan asady. Onyń ishinde quqyq qorǵaý organdarynyń zeınetkerlerine de taratylyp beriledi, – dedi mınıstr.

Onyń aıtýynsha, bul jerde bir ǵana shart bolady. Zeınetke shyqqan azamattardyń memleketten alyp otyrǵan zeınetaqysyn qosqan kezde onyń zeınetke shyqqan kezdegi tabysynyń keminde 40 paıyzynan tómen bolmaýy kerek. Búgingi kezde elimizde bul kórsetkish 63 paıyzǵa jetip otyr.

– Úshinshisi zeınetaqylyq annýıtetti rásimdegen azamattardyń jınaqtaýshy qorynan saqtandyrý qoryna aýdarǵannan keıin qorda qarajattary qalǵan bolsa, olardy tolyǵymen alýǵa bolady. Mundaı 13 300 azamat bar.

Jalpy osy múmkindikterdi 721 myń qazaqstandyq paıdalana alady, – dedi ol.

Ilmek sózder: zeınetaqy Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir