• USD 468.56

  • EUR 497.56

  • RUB 7.3

  • CNY 67.18

29 Naýryz, 02:50:43
Almaty
+35°

Ashylý saltanaty kezinde túsirilgen

Qazaqstannyń tuńǵysh  Prezıdenti Nursultan Nazarbaev «Bes áleýmettik bastama» atty halyqqa úndeýinde: «2022 jyldyń sońyna deıin stýdentterge arnap keminde 75 myń oryndyq jańa jataqhana salýdy tapsyramyn» – dedi. Osyǵan oraı Taldyqorǵandaǵy «Qaratal» shaǵynaýdanynda  I.Jansúgirov atyndaǵy Jetisý memlekettik ýnıversıtetine qarasty Stýdentter úıi ashyldy.

Saltanatty sharaǵa qatysqan Almaty oblysynyń ákimi Amandyq Batalov: «2001 jyly Taldyqorǵan oblys ortalyǵy mártebesine ıe bolyp, qalany kóterý maqsatynda osynda kóship kelgenimizde qurylysy aıaqtalmaı qalǵan bul ǵımarat birden-aq kózge tústi. Uzaq ýaqyt bitpeı turǵandyqtan ondaǵy qurylys materıaldary sapasynyń da nasharlaı túskeni anyq. Qurylysty odan ary qaraı júrgizý úshin saraptamadan ótkizý qajet boldy. Retin taýyp ǵımaratty memleket menshigine alyp, saraptama júrgizip, 2019 jyldan bastap qurylysty qaıta jandandyrdyq. Elbasynyń "Bes áleýmettik bastamasyna» saı stýdentterge arnalǵan jataqhana bolsyn degen sheshimge keldik. Endi jetisýlyq jastar búgingi ýaqyt talabyna saı salynǵan Stýdentter úıine ornalasyp, bilim alatyn bolady», – dep Jetisý memlekettik ýnıversıtetiniń rektory Qýat Baımyrzaevqa jańa ǵımarat kiltin saltanatty túrde tabys etti.

Almaty oblysynyń Qurmetti azamaty Álimǵazy Raıymbekov atamyz aq batasyn bergen soń ǵımarattyń lentasy qıylyp, jınalǵan kópshilik jańa nysannyń ishin aralap kórdi.

Lenta kesý

Joba quny - 222,3 mln.teńge. Nysannyń qurylysyna  jaýapty bolǵan bas merdiger kompanııa «Astana qurylys» JShS bolyp tabylady. Al ǵımarattyń sulbasyn syzǵan sáýletshi marqum, Aqmyrza Rústembekov. On úsh qabatty úıde 96 jatyn bólme bar. Ár bólmege úsh stýdentten ornalasady. 288 oryndy jataqhananyń birinshi qabatynda  jastardyń ýaqytyn tıimdi ótkizýge arnalǵan túrli tanymdyq-sporttyq bólmeler, shaǵyn kınoteatr, kafe, bı alańy ornalasqan. Sondaı-aq, ár qabatta as bólme, kitaphana, kompıýter bólmesi, demalys oryndary bar. Jataqhana alańy da jastardyń demalyp, túrli shara ótkizip, sportpen aınalysýyna  laıyqtalyp jasalǵan.

Búgingi tańda Jetisý  ýnıversıtetinde 6 myńǵa jýyq jas bilim alýda. Oqý ornyna qarasty 525 oryndy eki jataqhana bar. Jastar tarapynan buǵan deıin jataqhanalyq 500 orynǵa suranys bolǵan. Mine, endi ol da bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir