• USD 468.56

  • EUR 497.56

  • RUB 7.3

  • CNY 67.18

29 Naýryz, 08:38:08
Almaty
+35°

1 qyrkúıek - Bilim kúni qarsańynda Almaty oblystyq polısııa departamentiniń tergeýshileri men anyqtaýshylary kómekke muqtaj jandarǵa qol ushyn berip, búldirshinderdi qýantty.

Olar balalardyń onlaın oqýyna qajetti noýtbýkter, planshetter jáne basqa da oqý quraldaryn syıǵa tartty. Endi osyndaı syılyqtardy alǵan oqýshylar tehnologııa men baılanystyń jańa quraldarynyń kómegimen bilim nárin qıyndyqsyz sińire alady.

- Biz kópbalaly, turmysy tómen otbasylarǵa qoldaý kórsetý boıynsha qaıyrymdylyq aksııalaryn odan ári jalǵastyrýǵa sheshim qabyldadyq. Qazir mektep jasyndaǵy birneshe bala tárbıelep otyrǵan birneshe otbasy bar. Ol balalardy mektepke ázirleý qajet. Biz qazirgi ýaqytta onlaın bilim berý jaǵdaıyn esepke alyp, dápterler men qalamdar ǵana emes, sonymen qatar, tehnıkalyq baılanys quraldarynyń da qajet ekenin eskerdik. Mysaly, bir otbasynda tórt bala bolsa, biz olarǵa noýtbýk pen oqý quraldary salynǵan rıýkzak syıladyq. Sonymen qatar, anasymen ǵana jaldamaly páterde turatyn bala da osyndaı syılyqqa ıe boldy, - dedi Almaty oblysy polısııa departamenti anyqtaý basqarmasy bastyǵynyń orynbasary, polısııa polkovnıgi Samal Arǵynǵazınova.

Tergeýshiler bul sharanyń bir rettik qana aksııa emes ekenin jáne múmkindiginshe tergeýshiler men anyqtaýshylar odan ári jalǵastyratynyn atap ótti. О́ıtkeni, balalardyń shynaıy alǵysyna bólený qýanyshyna teń keletin eshteme joq,- deıdi polıseıler.

"Qamshy" silteıdi
Ilmek sózder: balalar

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir