Ońdasyn Orazalın Aqtóbe qalasynda atqarylyp jatqan jumystarmen tanysty

Búgin Aqtóbe oblysynyń ákimi bergen tapsyrmalarynyń oryndalý barysyn baqylady. Aımaq basshysy aldymen aýmaǵy 1800 sh.m quraıtyn «Dorojnıkov» skverine jasalǵan abattandyrý jumystarymen tanysty. Munda shamdar qoıylyp, trotýar salynǵan, fýtbol alańshasy jańartylyp, oryndyqtar ornalastyryldy. Skverde adamdardyń demalýyna jaǵdaı jasalyp qana qoımaı, úı janýarlaryn serýendetýge de arnalǵan oryndar paıda boldy. Qalypqa keltirý jumystary 2020 jyldyń maýsym aıynda bastalǵan. О́ńir basshysy №23, № 68, №13 bilim oshaqtarynda boldy. Mektepterde júrgizilip jatqan keńeıtý qurylys jumystaryn baqylady. №23 bilim uıasynda quny 617,9 mln. tengege 3 qabatty 200 oryndyq, № 68 mektepte 299,9 mln. teńge qarjyǵa 150 orynǵa arnalǵan 3 qabatty ǵımarat jáne №13 mektepte 220 orynǵa arnalǵan 2 qabatty nysan boı kóterýde. Ol úshin 290,5 mln tenge bólingen. Jyl saıyn balalar sanynyń artýyna baılanysty bilim oshaqtarynyń syıymdylyǵyn keńeıtý qajettigi týyndaǵan.

О́ńir basshysy Sáńkibaı batyr dańǵyly men Rıahova kóshesinde júrgizilip jatqan jol jóndeý jumystaryn baqylady. 3384 m.uzyndyqta júrgizilip jatqan Sáńkibaı batyr dańǵylyndaǵy jóndeý jumystary 2020 jyldyń jeltoqsan aıynda aıaqtalady. Jaıaý júrginshilerge arnalǵan jolaqtar, jaryqtandyrý, velojolaqtar, sý aǵarlar salynady. Sondaı-aq, uzyndyǵy 1850 m bolatyn Rıahova kóshesindegi ortasha jóndeý osy jyldyń qazan aıynda aıaqtalady. Qala ákimdigi eski úılerdiń qasbetterin árleý jumystaryn qolǵa alǵan. 

Shernııaz Jarylǵasuly kóshesindegi 6 kópqabatty turǵyn úıdiń syrtyn jańartý jumystary “SNPS-Aqtóbemunaıgaz” AQ-nyń demeýshiligimen júzege asýda. Oblys ákimi qala basshylyǵyna aýla ishindegi joldardy jóndeý qajettigin aıtty. Ońdasyn Orazalın «Jas natýralıster stansııasynyń» tynys-tirshiligimen tanysty. Balalarǵa ósimdik, mal sharýashylyǵy jáne ekologııany sabaqtan tys úıretýge baǵyttalǵan ortalyqta 630 bala bilim alady. 3 baǵyt boıynsha 24 úıirme jumys isteıdi. Dendrosaıabaqta 300den astam aǵash, 100-ge jýyq túrli jemis aǵashtary bar. Sonymen qatar qoıan, sýtasbaqasy, dala qyrany t.b qustardy asyraıdy.

Qala turǵyndaryn baǵasy qoljetimdi áleýmettik mańyzdy azyq-túlikpen qamtý maqsatynda «HALYQ SAÝDA» shaǵyn kóterme saýda ortalyǵynyń 19 dúkeni ashyldy. Oblys ákimi jobalardy iske qosýdy onlaın-rejımde bastap berdi. Buǵan deıin osy baǵyttaǵy bir dúken ashylǵan bolatyn. Halyq suranysyna baılanysty «HALYQ SAÝDA» shaǵyn kóterme saýda ortalyǵynyń sany 20-ǵa jetkizildi. О́ńir basshysy ınvestorlar men kásipkerlerge tolyq konsaltıngtik qyzmet kórsetetin front-keńseniń qyzmetimen jáne korporasııada júzege asyrylyp jatqan jańa jobalarmen tanysty. «Aqtóbe» ÁKK» AQ basqarma tóraǵasy Ermek Imantaev ákimdi korporasııanyń damýdyń aldaǵy 5 jyldyq startegııasyna negizdelgen jańa modelimen tanystyrdy. Korporasııada ınvestorlardy tartý men súıemeldeýdiń keshendi jumystary júrgizilip jatyr. Búgingi tańda jobalar portfelinde jalpy quny 124,4 mlrd teńge bolatyn 88 joba bar.

Oblys ákimi Ońdasyn Orazalın qala ákimi Ashat Shaharovqa qala kórkin qalypqa keltirýge , joldardy jóndeý jumystaryn qarqyndatýǵa qatysty birqatar tapsyrmalar berdi.