• USD 468.56

  • EUR 497.56

  • RUB 7.3

  • CNY 67.18

29 Naýryz, 14:21:58
Almaty
+35°

Kórneki sýret

Qazaq qaıyrymdylyq jasap, qaıyryn kórgen halyq. Dana babalarymyzdyń ilkimdi isterin jalǵap júrgen «Qareket» qaıyrymdylyq qorynyń demeýshileri kóptegen otbasyna qýanysh syılap júrgenin bárimiz jaqsy bilemiz. Jomart jandar osy joly  qala turǵyny, jeti balanyń anasy Raýshan Mombekovaǵa baspana kiltin tartý etti.

Almaty oblysy ortalyǵyndaǵy «Jastar» saıabaǵynda eńbek etetin batyr anaǵa shańyraq kiltin «Qareket» qaıyrymdylyq qorynyń oblystaǵy músheleri jáne aıtysker aqyn, «Alataý» gazetiniń bas redaktory Aıtaqyn Bulǵaqov tabystady. «Qareket» qory elimizdiń barlyq qalalary men aımaqtarynda qaıyrymdylyq isimen belsendi aınalysyp keledi. Batyr anaǵa berilgen baspana respýblıka boıynsha 275-shi bolsa, oblys boıynsha 18-inshi úı. Jyldar boıy armandaǵan baspanasyna qol jetkizgen kópbalaly ana qýanyshtan kózine jas alyp, barsha qaıyrymdy janǵa alǵys aıtty.

 – «Jyrtyq úıdiń Qudaıy bar». Joldasym ómirden ótken soń barlyq jaýapkershilik óz moınyma artyldy. Taǵdyr ońaı emes qoı. Bul balalarymnyń nesibesi. Eki qyzym turmysta. Kenjem 4 jasta. Osyndaı qýanysh meniń otbasymda bolyp jatqanyna áli de sene alar emespin. Men úshin tosynsyı boldy. Eń bastysy úmit úzbeý kerek. Qaıyrymdylyq qoryna, halqyma myń alǵysymdy bildiremin. Qýanyshymda shek joq, – deıdi Raýshan Mombekova.

"Qamshy" silteıdi
Ilmek sózder: batyr ana

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir